Дражня (селішча)
From Wikipedia, the free encyclopedia
Remove ads
Дражня — селішча перыяду ранняга жалезнага веку каля вёскі Дражня Светлагорскага раёна Гомельскай вобласці Беларусі.
Апісанне
Селішча знаходзіцца на левым беразе безназоўнай рэчкі (прыток Бярэзіны) на ўзвышшы. Вышыня над поплавам 3 м. Плошча каля 1 га.
Выявіў у 1981 годзе М. У. Бычкоў, даследавала ў 1983 годзе Н. М. Дубіцкая на плошчы 244 м². У культурным пласце таўшчынёй 0,3—0,6 м былі адшуканы матэрыялы некалькіх эпох. Найбольш раннія знаходкі эпохі бронзы — крамянёвыя вырабы (скрабкі і ножападобныя пласціны) і абломкі посуду з кропкавым арнаментам. Абломкі неглянцаваных керамічных пасудзін адносяцца да І стагоддзя н.э. Трэць з іх пакрыта штрыхамі. Гэта сведчанне таго, што селішча знаходзілася ў зоне кантактаў плямёнаў зарубінецкай культуры і культуры штрыхаванай керамікі. Знойдзены фрагменты керамікі зарубінецкай культуры (больш за 90 % усіх знаходак) і невялікая колькасць керамікі з расчосамі 1-га тысячагоддзя н.э.[1]
Remove ads
Зноскі
- Селішча перыяду раняга жалезнага веку, в. Дражня(недаступная спасылка). Архівавана з першакрыніцы 28 студзеня 2022. Праверана 12 ліпеня 2021.
Wikiwand - on
Seamless Wikipedia browsing. On steroids.
Remove ads