Дрыс Мертэнс

У Вікіпедыі ёсць артыкулы пра іншых людзей з прозвішчам Мертэнс.

Дрыс Ме́ртэнс (нідэрл.: Dries Mertens; нар. 6 мая 1987, Лёвен, Бельгія) — бельгійскі футбаліст, нападнік турэцкага клуба «Галатасарай» і нацыянальнай зборнай Бельгіі.

Дрыс Мертэнс
Агульная інфармацыя
Нарадзіўся	6 мая 1987(1987-05-06)[1][2][…] (38 гадоў) Лёвен, акруга Лёвен[d], правінцыя Брабант[d], Бельгія
Грамадзянства	Бельгія
Рост	169 см[3]
Вага	61 кг[3]
Пазіцыя	паўабаронца, нападнік
Інфармацыя пра клуб
Клуб	Галатасарай
Нумар	10
Маладзёжныя клубы
1996—1998 Лёвен 1998—2003 Андэрлехт 2003—2005 Гент
Клубная кар’ера[* 1]
2005—2007 Гент 0 (0) 2005—2006 →  Эндрахт Алст 14 (4) 2006—2007 →  АГОВВ 35 (2) 2006—2009 АГОВВ 73 (28) 2009—2011 Утрэхт 65 (16) 2011—2013 ПСВ 62 (37) 2013—2022 Напалі 295 (113) 2022— Галатасарай
Нацыянальная зборная[* 2]
2004 Бельгія (да 17) 4 (0) 2011— Бельгія 105 (21)
Узнагароды і медалі
Чэмпіянаты свету Бронза Расія 2018
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 жніўня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 1 ліпеня 2022
Медыяфайлы на Вікісховішчы

Клубная кар’ера

Мертэнс з’яўляецца выхаванцам футбольнай акадэміі клуба «Андэрлехт», у асноўную каманду якой ніколі не трапляў. У 2005 годзе Дрыс стаў іграком «Гента», аднак на працягу двух сезонаў ігрок знаходзіўся ў арэндах у дробнай бельгійскай і нідэрландскай камандах, у апошнюю з якіх, клуб АГОВВ, у 2007 годзе перайшоў.

У новым клубе, які гуляў у другім дывізіёне нідэрландскага футбола, Дрыс з цягам часу стаў капітанам і набыў статус футбаліста вялікага таленту. 25 мая 2009 года падпісаў кантракт з клубам «Утрэхт».

28 чэрвеня 2011 года Мертэнс разам з партнёрам па «Утрэхту» Кевінам Стротманам перайшоў у склад эйндхавенскага ПСВ. За за гэтыя трансферы нідэрландскі гранд выдаткаваў увогуле 13 млн еўра^[4].

У 2013 годзе ігрок перайшоў у італьянскі «Напалі». Пакінуў клуб па заканчэнні кантракта ў чэрвені 2022 года.

У жніўні 2022 года падпісаў пагадненне з турэцкім «Галатасараем»^[5].

Міжнародная кар’ера

У 2010 годзе дэбютаваў у афіцыйных матчах у складзе нацыянальнай зборнай Бельгіі.

Дасягненні

ПСВ

• Уладальнік Кубка Нідэрландаў: 2012
• Уладальнік Суперкубка Нідэрландаў: 2012

«Напалі»

• Уладальнік Кубка Італіі (2): 2014, 2020
• Уладальнік Суперкубка Італіі: 2014

«Галатасарай»:

• Чэмпіён Турцыі: 2023