Дрэнь (тэлесерыял)

У паняцця ёсць і іншыя значэнні, гл. Дрэнь.

«Дрэнь», або «Флібэг» (англ.: Fleabag) — брытанскі камедыйна-драматычны тэлесерыял, створаны студыяй Two Brothers Pictures для канала BBC Three і Amazon Video^[3][4]. Стваральніца шоу таксама адыграла ў ім галоўную ролю. Серыял быў натхнёны камедыйнай п’есай, якую Фібі Уолер-Брыдж прадставіла на тэатральным фестывалі ў 2013 годзе^[5].

Дрэнь
англ.: Fleabag
Жанр	камедыйная драма[d]
Стваральнік	Фібі Уолер-Брыдж
Сцэнарыст	Фібі Уолер-Брыдж
У ролях	Фібі Уолер-Брыдж Sian Clifford[d] Алівія Колман Біл Патэрсан[d] Brett Gelman[d] Hugh Skinner[d] Hugh Dennis[d] Ben Aldridge[d] Jamie Demetriou[d] Jenny Rainsford[d] Andrew Scott[d] Фіёна Шоу[d] Крысцін Скот Томас[d] Ray Fearon[d]
Краіна	Вялікабрытанія
Мова	англійская[1]
Колькасць сезонаў	2
Колькасць серый	12 (спіс эпізодаў[d])
Вытворчасць
Трансляцыя
Тэлеканал	БВК 3[d]
На экранах	21 ліпеня 2016 — 8 красавіка 2019[2]
Спасылкі
amazon.com/gp/video/deta…
IMDb	ID 5687612

Прэм’ера серыяла адбылася 21 ліпеня 2016 года, а другі і фінальны сезон завяршыўся 8 красавіка 2019 года^[6][7].

Серыял атрымаў шырокае прызнанне крытыкаў, асабліва за яго сцэнарый, акцёрскую гульню, унікальнасць і асобу галоўнага персанажа. Многія крытыкі і гледачы назвалі яго адным з найвялікшых камедыйных серыялаў усіх часоў. Уолер-Брыдж выйграла прэмію BAFTA за найлепшую жаночую камедыйную ролю за першы сезон. Другі сезон атрымаў 11 намінацый на прэмію «Эмі» і выйграў шэсць, пры гэтым Уолер-Брыдж атрымала ўзнагароды «Найлепшы камедыйны серыял», «Найлешая актрыса» і «Найлепшы сцэнарый камедыйнага серыяла»; дадатковыя намінацыі за акцёрскае майстэрства атрымалі Сіян Кліфард, Алівія Колман і запрошаныя зоркі Фіёна Шоу і Крысцін Скот Томас^[8][9]. Серыял атрымаў прэмію «Залаты глобус» за найлепшы тэлесерыял і найлепшую жаночую ролю за Уолер-Брыдж^[10][11].

Сюжэт

Дзеянні серыяла адбываюцца ў сучасным Лондане. Галоўная гераіня — адзінокая 30-гадовая жанчына, якая сутыкнулася з цяжкімі стратамі: пасля смерці маці памірае яе лепшая сяброўка. Флібэг, спрабуючы справіцца з горам, патанае ў алкаголі і выпадковых сексуальных сувязях, з-за чаго перыядычна трапляе ў прыгоды. Яе адносіны з сям’ёй таксама напружаныя: на свой дзень нараджэння бацька гераіні дорыць ёй сертыфікат на наведванне псіхатэрапеўта.