Дызайн-мысленне

Дызайн-мысленне (ад англ.: Design thinking) — працэс стварэння і ўдасканалення прадуктаў і сэрвісаў, што дапамагае забяспечыць іх прыдатнасць для карыстальнікаў. Адна з UX^[en] практык^[1].

Складаецца з пяці асноўных этапаў^[1]:

1. Разуменне — назіранне і апытванне карыстальнікаў з мэтай высветліць іх асноўныя патрэбы.
2. Вызначэнне — фармуляванне задачы на аснове патрэб карыстальнікаў.
3. Стварэнне ідэй — прыдумванне магчымых спосабаў развязання задачы.
4. Прататыпаванне — рэалізацыя ідэй і давядзенне іх прататыпаў да таго ўзроўню, з якім могуць узаемадзейнічаць карыстальнікі.
5. Тэставанне — праверка прататыпаў карыстальнікамі і атрыманне зваротнай сувязі.

Працэс дызайн-мыслення паўтараецца цыклічна для паступовага паляпшэння прадукта на аснове зваротнай сувязі ад карыстальнікаў^[1].