Дыспансер

Дыспансе́р ([dʲɪspɐnˈsɛr], ад фр.: dispensaire, узыходзіць да лац.: dispenso «размяркоўваю»)^[1] — лячэбна-прафілактычная ўстанова, аснова дзейнасці якой — ранняе выяўленне і лячэнне хворых, дынамічны нагляд і ажыццяўленне санітарна-аздараўленчых мерапрыемстаў.

Віды дыспансераў

На Беларусі дзейнічаюць наступныя віды дыспансераў:

• кардыялагічныя;
• скурна-венералагічныя;
• наркалагічныя;
• анкалагічныя;
• процітуберкулёзныя;
• псіханеўралагічныя;
• эндакрыналагічныя.^[2]

Гісторыя

На Беларусі першы (процітуберкулёзны) дыспансер адкрыты ў 1921 годзе ў Мінску. Папярэднікамі дыспансера (Мінск, Бабруйск) былі процітуберкулёзныя амбулаторыі (1910—1911).

На пачатак 1997 года ў Беларусі існавалі дыспансеры:

• процітуберкулёзныя (30)
• анкалагічныя (11)
• скурна-венералагічныя (34)
• псіханеўралагічныя (13)
• процівалляковыя (6)
• урачэбна-фізкультурныя (10)
• наркалагічныя (11)
• кардыялагічныя (5)
• два спецыяльных дыспансера для хворых пасля радыяцыйнага ўздзеяння ў выніку катастрофы на Чарнобыльскай АЭС.^[3]