Егарлык

Егарлык, Вялікі Егарлы́к (руск.: Егорлы́к) — рака ў Перадкаўказзі. Працякае ў Стаўрапольскім краі, Калмыкіі і Растоўскай вобласці, упадае ў Пралетарскае вадасховішча. Даўжыня — 448 кіламетраў, плошча вадазборнага басейна — 15 300 км². Назва паходзіць ад цюркскага agri «крывы», -lyk афікс, у рускай мове змянілася пад уплывам імя Ягор.

Егарлык
руск. Егорлык
Верхняе цячэнне Егарлыка каля Наватроіцкай.
Характарыстыка
Даўжыня	448 км
Басейн	15 300 км²
Расход вады	4,95 м³/с (с. Новы Егарлык, Сальскі раён)
Вадацёк
Выток
• Месцазнаходжанне	гара Стрыжамент (Стаўрапольскае ўзвышша) станіца Новаекацярынаўская (Качубееўскі раён)
• Каардынаты	44°46′11″ пн. ш. 42°02′44″ у. д.HGЯO
Вусце	Пралетарскае вадасховішча
• Месцазнаходжанне	181 км па левым беразе ракі Заходні Маныч) с. Новы Маныч (Сальскі раён)
• Каардынаты	46°32′56″ пн. ш. 41°51′04″ у. д.HGЯO
Размяшчэнне
Водная сістэма	Пралетарскае вадасховішча → Маныч → Дон → Азоўскае мора
Краіна	Расія
Рэгіёны	Стаўрапольскі край, Калмыкія, Растоўская вобласць
Код у ДВР	05010500312107000016716
выток вусце
Медыяфайлы на Вікісховішчы

Паводле даных дзяржаўнага воднага рэестра Расіі Вялікі Егарлык адносіцца да Данской басейнавай акругі, водагаспадарчы ўчастак ракі — Егарлык ад вытока да Сенгілееўскага гідравузла, рачны падбасейн ракі — басейн прытокаў Дона ніжэй упадзення Северскага Данца. Рачны басейн ракі — Дон (расійская частка басейна).

Егарлык — тыпова стэпавая рака з невялікім ухілам і павольным цячэннем, цячэ ў напрамку з поўдня на поўнач. Вытокі ракі знаходзяцца на паўночна-ўсходнім схіле гары Стрыжамент, на вышыні 831 метр, за 2 кіламетры ад станіцы Новаекацярынаўская. Упадае Егарлык у Пралетарскае вадасховішча недалёка ад сяла Новы Маныч, вышыня вусця — 13 метраў.