Ельнікі (Пухавіцкі раён)

Е́льнікі^[1] (трансліт.: Jeĺniki) — вёска ў Пухавіцкім раёне Мінскай вобласці. Уваходзіць у склад Шацкага сельсавета.

Вёска Ельнікі Краіна Беларусь Вобласць Мінская Раён Пухавіцкі Сельсавет Шацкі Каардынаты 53°16′36″ пн. ш. 27°53′46″ у. д.HGЯO Насельніцтва ▼1 чал. (2019) Часавы пояс UTC+3 Тэлефонны код +375 1713 Аўтамабільны код 5 СААТА 6244890019 Ельнікі на карце Беларусі ±

Гісторыя

Паводле перапісу 1908 года ўрочышча ў Амяльнянскай воласці Ігуменскага павета Мінскай губерні^[2]. Паводле перапісу 1917 года засценак^[3].

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. Жыхары Амяльнянскай воласці накіроўвалі звароты ў Народны Сакратарыят Беларусі са скаргамі на дзеянні нямецкіх акупацыйных улад^[4]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. У 1926 годзе было 6 двароў^[5].

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі. У чэрвені 1941 года спалены ў ходзе карнай аперацыі. Пасля вайны адноўлены.

Паводле перапісу 1960 года пасёлак. Да 29 чэрвеня 2006 года вёска ўваходзіла ў склад Селецкага сельсавета^[6]. З 2006 года па 28 траўня 2013 года ў складзе Вецярэвіцкага сельсавета^[7].

Насельніцтва

• 1908 год — 4 двары, 31 жыхар^[2]
• 1917 год — 5 двароў, 28 жыхароў^[3]
• 1940 год — 6 двароў, 33 жыхары
• 2002 год — 2 двары, 4 жыхары
• 2009 год — 3 жыхары^[8]
• 2019 год — 1 жыхар^[9]