Жазэ Фантана

Жазэ́ ды Аншые́та Фанта́на^[1] (парт.: José de Anchieta Fontana; 31 снежня 1940 — 9 верасня 1980) — бразільскі футбаліст, абаронца. Чэмпіён свету 1970 у складзе нацыянальнай зборнай Бразіліі.

Жазэ Фантана
Агульная інфармацыя
Поўнае імя	Жазэ ды Аншыета Фантана
Мянушка	Фантана
Нарадзіўся	31 снежня 1940(1940-12-31) Санта-Тэрэза[d], штат Эспірыту-Санту, Бразілія
Памёр	9 верасня 1980(1980-09-09) (39 гадоў) Санта-Тэрэза[d], штат Эспірыту-Санту, Бразілія
Грамадзянства	Бразілія
Рост	180 см
Вага	69 кг
Пазіцыя	Абаронца
Клубная кар’ера[* 1]
1958 Віторыя 1959—1962 Рыу-Бранку Віторыя 1962—1968 Васка да Гама 1969—1972 Крузейру
Нацыянальная зборная[* 2]
1966—1970 Бразілія 7 (0)
Узнагароды і медалі
Чэмпіянаты свету Золата Мексіка 1970
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Біяграфія

Пачынаў кар’еру ў клубах роднага штата «Віторыя» і «Рыу-Бранку», дзе двойчы станавіўся пераможцам Лігі Капішаба.

У 1962 годзе перайшоў у склад аднаго з найлепшых клубаў Бразіліі, «Васка да Гама», дзе стаў адным з лідараў у абароне разам з Брыту. У «Васка» Жазэ Фантана двойчы выйграваў Кубак Гуанабара, а таксама стаў пераможцам Турніру Рыа-Сан-Паўлу ў 1966 годзе. 8 чэрвеня 1966 года дэбютаваў у зборнай Бразіліі ў матчы супраць Перу (3:1).

У 1969 годзе Фантана перайшоў у «Крузейру», будучы іграком якога быў выкліканы ў склад зборнай Бразіліі на чэмпіянат свету 1970 года. На тым мундыялі ён адыграў адзін матч групавога турніру супраць Румыніі і ў выніку стаў чэмпіёнам свету. Усяго за зборную Бразіліі правёў 7 афіцыйных матчаў і 4 гульні, якія не ўвайшлі ў рэестр ФІФА.

Скончыў кар’еру футбаліста ў 1972 годзе, у другі раз выйграўшы з «Крузейру» Лігу Мінейру.

Праз 8 гадоў, падчас футбольнага матча з сябрамі, Фантана адчуў млоснасць і памёр ад сардэчнага прыступу ва ўзросце 39 гадоў.

Дасягненні

• Чэмпіён свету 1970
• Пераможца Турніру Рыа-Сан-Паўлу (1): 1966
• Чэмпіён штата Мінайс-Жэрайс (2): 1969, 1972
• Чэмпіён штата Эспірыту-Санту (2): 1959, 1962