Жанэта Берглінд

Ёхана «Жанэта» Апалонія Берглінд (шведск.: Johanna «Jeanette» Apollonia Berglind; 21 жніўня 1816 — 14 верасня 1903) — шведская настаўніца мовы жэстаў і дырэктар школы. У 1860 годзе яна заснавала адну з першых школ для глуханямых у сваёй краіне — Ціхую школу (шведск.: Tysta Skolan) у Стакгольме.

Жанэта Берглінд
Род дзейнасці	sign language teacher
Дата нараджэння	21 жніўня 1816(1816-08-21)[1][2]
Месца нараджэння	Стакгольм[d], Стакгольмскае обер-губернатарства[d], Швецыя[1]
Дата смерці	14 верасня 1903(1903-09-14)[1][2] (87 гадоў)
Месца смерці	Стакгольм[d], Стакгольмскае обер-губернатарства[d], Швецыя[1]
Месца пахавання	Паўночныя могілкі Стакгольма[3]
Грамадзянства	Швецыя
Медыяфайлы на Вікісховішчы

Біяграфія

Ёхана Берглінд рана асірацела і была ўсыноўлена ўдавой: прыкладна з дзесяці гадоў яна знаходзілася пад апекай сваяка сваёй памерлай маці Пера Арана Борга, педагога-наватара ў справе адукацыі глуханямых у Швецыі, а таксама заснавальніка і дырэктара грамадскага інстытута сляпых і глухіх (Allmänna institutet för Blinda och Döfstumma) у Стакгольме.

З 1834 па 1840 год яна была выкладчыцай у Інстытуце глуханямых, якім кіраваў Пер. Пасля смерці Борга ў 1839 годзе Берглінд зарабляла сябе на жыццё, працуючы гувернанткай і кампаньёнкай. У яе быў намер заснаваць адукацыйны пансіён для глухіх, і яна адкладала сваё жалаванне, каб фінансаваць гэтую задуму.

У красавіку 1860 года яна адкрыла Ціхую школу (Tysta Skolan) з некалькімі вучнямі і адным дадатковым выкладчыкам, якога яна змагла сабе дазволіць. Аднак для яе невялікага фонду гэтыя выдаткі былі занадта вялікія. У 1862 годзе Фрэдрыка Брэмер распавяла аб яе працы ў прэсе і папрасіла дапамагчы ёй фінансава.

Дзякуючы гэтаму праект стаў вядомы на ўсю краіну і прыцягнуў вялікую ўвагу прыватных дабрачынцаў: быў створаны школьны савет, школа атрымала заступніцтва караля Карла XV, каралевы Луізы і дзяржаўную падтрымку. Гэта дазволіла Берглінд набыць неабходны будынак для школы ў 1866 годзе, і да 1872 годзе яе ўстанова ўжо не мела даўгоў і, па некаторых паведамленнях, было вельмі запатрабавана.

Жанэта мела рэпутацыю сціплай і сардэчнай жанчыны, яе характарызавалі як далікатную маці для сваіх вучняў, так як адной з яе мэтаў у школе была таксама клопат аб эмацыйных патрэбах сваіх вучняў. Школа атрымала высокую ацэнку: тры яе вучаніцы пасля працавалі выкладчыцамі ў публічных школах для глуханямых пажылых людзей.

Узнагароды

Берглінд была ўзнагароджана залатым каралеўскай медалём «За грамадзянскія заслугі» (För medborgerlig förtjänst) і дзяржаўнай пенсіяй. Яна таксама была прызначаная ганаровым старшынёй Стакгольмскага Таварыства глуханямых.

Зноскі

1. Jeanette A Berglind — 1917.

   <a href='https://wikidata.org/wiki/Track:Q379406'></a><a href='https://wikidata.org/wiki/Track:Q1724971'></a>
2. Jeanette (Johanna) Apollonia Berglind // FemBio database Праверана 9 кастрычніка 2017.

   <a href='https://wikidata.org/wiki/Track:Q61356138'></a>
3. Berglind, JOHANNA APOLONIA — Svenskagravar.se. Праверана 8 мая 2017.

   <a href='https://wikidata.org/wiki/Track:Q26699962'></a>