Жылы дом на Кацельніцкай набярэжнай

Жылы дом на Кацельніцкай набярэжнай у Маскве — адзін з «вышынных будынкаў», пабудаваны ў вусці Яўзы ў 1938—1952 гадах. Аўтары праекта — Дз. М. Чачулін, А. К. Расткоўскі, інжынер Л. М. Гохман. Курыраваў будаўніцтва, у тым ліку, настаяў на выбары пляцоўкі для будаўніцтва дома Лаўрэнцій Берыя^[1].

Славутасць
Жылы дом на Кацельніцкай набярэжнай
руск.: Жилой дом на Котельнической набережной
55°44′50″ пн. ш. 37°38′34″ у. д.HGЯO
Краіна	Расія
Горад	Масква, Кацельніцкая набярэжная, 1/15
Архітэктурны стыль	Сталінская архітэктура
Архітэктар	Дз. М. Чачулін, А. К. Расткоўскі
Дата заснавання	1952
Будаўніцтва	1937—1952 гады
Статус	Аб’ект культурнай спадчыны РФ № 7701992000№ 7701992000
Вышыня	176 м
Матэрыял	сталь, бетон і тэракота
Медыяфайлы на Вікісховішчы

Дом, які замыкае перспектыву ад Крамля да вусця Яўзы, будаваўся ў 1938—1940 і 1948—1952 гадах. Цэнтральны аб'ём налічвае 26 паверхаў (32 разам з тэхнічнымі паверхамі) і мае вышыню 176 м. У гмаху размешчаны 540 кватэр, з іх 336 двухпакаёвых, 173 трохпакаёвых, 18 чатырохпакаёвых і 13 аднапакаёвых кватэр. Да яго прылягае «стары», 9-павярховы жылы корпус, які выходзіць на Маскву-раку, спраектаваны тымі ж аўтарамі ў 1938 годзе і завершаны ў 1940-м. Усяго ў будынку знаходзяцца 700 кватэр, крамы, паштовае аддзяленне, кінатэатр «Ілюзіён» (базавы кінатэатр Дзяржфільмафонда; выходзіць на Вялікі Вацін завулак), музей-кватэра Г. С. Уланавай.

Зноскі

1. Локоткова Ж. Сталинский зуб. Столичная вечерняя газета № 210, 16 декабря 2003, с. 31