Жэром Баатэнг

Жэром Баатэнг (ням.: Jérôme Boateng; нар. 3 верасня 1988, Берлін, ФРГ) — нямецкі футбаліст ганскага паходжання, абаронца італьянскага клуба «Салернітана». Ігрок нацыянальнай зборнай Германіі (2009—2018). Бронзавы прызёр чэмпіянату свету 2010 года і чэмпіён свету 2014 года.

Жэром Баатэнг
Агульная інфармацыя
Нарадзіўся	3 верасня 1988(1988-09-03)[1][2] (37 гадоў) Заходні Берлін
Грамадзянства	Германія
Рост	192 см
Вага	90 кг
Пазіцыя	абаронца
Інфармацыя пра клуб
Клуб	Салернітана
Нумар	17
Маладзёжныя клубы
Тэніс Барусія (Берлін) 2002—2006 Герта
Клубная кар’ера[* 1]
2006—2007 Герта II 24 (1) 2007 Герта 10 (0) 2007—2010 Гамбург 75 (0) 2010—2011 Манчэстэр Сіці 16 (0) 2011—2021 Баварыя (Мюнхен) 229 (5) 2021—2023 Алімпік (Ліён) 32 (0) 2024— Салернітана 4 (0)
Нацыянальная зборная[* 2]
2004—2005 Германія (да 17) 4 (1) 2005—2007 Германія (да 19) 17 (2) 2007—2009 Германія (да 21) 15 (1) 2009—2018 Германія 76 (1)
Узнагароды і медалі
Чэмпіянаты свету Бронза ПАР 2010 Золата Бразілія 2014 Чэмпіянаты Еўропы Бронза Польшча/Украіна 2012 Бронза Францыя 2016
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 лютага 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 8 жніўня 2021
Медыяфайлы на Вікісховішчы

Клубная кар’ера

Баатэнг з’яўляецца цэнтральным абаронцам, валодае магутным целаскладам і высокім ростам, што дазваляе яму вельмі добра гуляць «на другім паверсе». Ён пачаў сваю кар’еру ў моладзевай камандзе «Тэніс Барусія», пазней выступаў за «Герту» і «Гамбург». У сезоне 2010/11 гуляў за англійскі «Манчэстэр Сіці», а ў ліпені 2011 года перайшоў у мюнхенскую «Баварыю» за 10,5 млн еўра. Выступаў за мюнхенскі клуб на працягу дзесяці гадоў. У красавіку 2021 года было абвешчана, што Баатэнг пакіне «Баварыю» па заканчэнні сезона ў якасці свабоднага агента.

У верасні 2021 года далучыўся да французскага «Ліёна», падпісаўшы двухгадовы кантракт^[3]. Пакінуў «Ліён» у чэрвені 2023 года, пасля чаго паўгода быў без клуба.

У лютым 2024 года стаў іграком «Салернітаны».

Міжнародная кар’ера

У зборнай Германіі дэбютаваў 10 кастрычніка 2009 года ў матчы супраць Расіі ў Маскве, аднак быў выдалены ў дэбютным матчы.

Дасягненні

«Манчэстэр Сіці»:

• Уладальнік Кубка Англіі: 2011

«Баварыя»:

• Чэмпіён Германіі (9): 2013, 2014, 2015, 2016, 2017, 2018, 2019, 2020, 2021
• Уладальнік Кубка Германіі (5): 2013, 2014, 2016, 2019, 2020
• Уладальнік Суперкубка Германіі (2): 2012, 2020
• Пераможца Лігі чэмпіёнаў (2): 2013, 2020
• Уладальнік Суперкубка УЕФА (2): 2013, 2020
• Пераможца клубнага чэмпіянату свету (2): 2013, 2020

Германія:

• Чэмпіён свету: 2014
• Бронзавы прызёр чэмпіянату свету: 2010