Закрыліна

Закрыліна — дошка, што закрывала тарэц даху, часта афармлялася разьбою.^[1] Калі дах быў двухсхільны, то на скрыжаванні закрыліны рабілі крыху даўжэйшымі, чым патрэбна, выразаючы з дошкі контуры конскіх галоў, каровіных рогаў, фігурак птушак і змей, павернутых у розныя бакі. Такое скрыжаванне называлася вільчык^[2].

Страха з закрылінамі

У канцы XIX — пачатку XX стагоддзя замест здвоенага вільчака з'яўляецца ўпрыгожанне, зробленнае з адной дошкі, замест зааморфных матываў з'яўляюцца раслінныя і геаметрычныя контуры^[2].

Край закрыліны таксама аздабляўся: сякерай, свярдлом ці пілою рабілася разьба^[2].

Зноскі

1. Якимович, Ю. А. Зодчество Белоруссии XVI — середины XVII в. — Минск, 1991.
2. Сахута Я. М. Фарбы роднай зямлі: Нарысы пра нар. мастацтва Беларусі. Кн. для вучняў. — Мн. : Нар. асвета, 1985. — 191 с. іл.