Залле (курганны могільнік)

Залле — курганны могільнік каля вёскі Залле Светлагорскага раёна Гомельскай вобласці.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 313В000755

Апісанне

Уяўляе сабой 26 паўсферычных насыпаў дыяметрам 6—12 метраў, вышынёй 0,6—2 м. Курганы здзірванелі, каля асноў прасочаны раўкі. Некаторыя курганы пашкоджаны скарбашукальнікамі. Помнік датуецца X—XIII стагоддзямі.

Курганны могільнік каля в. Залле выявіла ў 1981 годзе Н. М. Дубіцкая, абследавала яго ў 1985 годзе. Звесткі аб помніку атрыманы ад мясцовага насельніцтва, якое звязвае курганы з напалеонаўскай вайной. Раскопкі не праводзіліся^[1].

Зноскі

1. Курганны могільнік перыяду ранняга сярэднявечча, в. Залле (нявызн.)(недаступная спасылка). Архівавана з першакрыніцы 28 студзеня 2022. Праверана 12 ліпеня 2021.