Заліў Шэліхава

Заліў Шэ́ліхава, Пенжынскі заліў^[1] — заліў у паўночна-ўсходняй частцы Ахоцкага мора паміж берагамі Азіі і паўвострава Камчатка. Тэрыторыя Расіі. Названы ў пачатку XX стагоддзя ў гонар рускага купца, даследчыка і мараплаўца Р. І. Шэліхава.

Заліў Шэліхава
руск. Залив Шелихова
60° пн. ш. 158° у. д.HGЯO
Краіна	Расія
Тып	Заліў
Найбольшая глыбіня	350 м
Упадаюць	Пенжына, Гіжыга

Даўжыня заліва каля 650 км, шырыня каля ўваходу 130 км, найбольшая — 300 км. Глыбіні да 350 м. Берагі заліва пераважна скалістыя, паўднёвым усходзе нізінныя. Паўвостравам Тайгано́с заліў падзелены на дзве губы: Гіжыгінскую і Пенжынскую. У заліў упадаюць рэкі Пенжына, Гіжыга і інш. У паўднёвай частцы заліва, каля паўвострава П’ягіна група Ямскіх астравоў. На абрывістых берагах птушыныя кірмашы.

Прамысловае рыбалоўства (камбала, селядец, навага, палтус).

Зноскі

1. Шелихова залив // Наша-Природа.рф(недаступная спасылка) (руск.)