Замчышча (Гарадок)

Замчышча — помнік абарончага дойлідства XIV—XVIII стст. Размешчаны ў паўночнай частцы в. Гарадок (Маладзечанскі раён).

Славутасць
Замчышча
54°09′20″ пн. ш. 26°55′03″ у. д.HGЯO
Краіна	Беларусь
Вёска	Гарадок
Дата пабудовы	XIV стагоддзе
Статус	Гісторыка-культурная каштоўнасць Беларусі, шыфр 613В000301шыфр 613В000301
Медыяфайлы на Вікісховішчы

Апісанне

Знак на замчышчы

Фрагменты паліхромнай кафлі XIV—XVIII стст., здабытыя ў час раскопак гарадзішча ў 1989 годзе. Мінскі абласны краязнаўчы музей

Авальны ў плане дзядзінец (60х40 м), абкружаны з поўдня вадзяным ровам (шырыня 25—30 м), захаду і поўначы — магутным земляным валам (вышыня да 10 м). З усходу ў разрыве валу стаяла вежа (засталася круглая пляцоўка дыяметрам каля 7 м), якая ахоўвала ўезд у замак. Да ўваходу ў замак цераз роў быў перакінуты драўляны мост. На дзядзінцы знаходзіліся мураваныя і драўляныя жылыя і гаспадарчыя пабудовы. Падчас раскопак знойдзеная кераміка XIV—XVIII стст., сярод якой вылучаецца паліваная кафля з раслінным арнаментам і выявай арла^[1].

Комплекс збярогся часткова (засталіся валы, роў, падмуркі асобных будынкаў)^[1].

Зноскі

1. Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.