Знішчэнне самалётаў у аэрапорце Хартума (2023)

У перыяд з 15 па 20 красавіка 2023 года на фоне суданскага канфлікту ў паветранай гавані Хартума былі знішчаны альбо пашкоджаны больш за 10 грамадзянскіх самалётаў^[1].

Знішчэнне самалётаў у аэрапорце Хартума
Асноўны канфлікт: Канфлікт у Судане (2023)
Дата	з 15 па 20 красавіка 2023
Дата пачатку	15 красавіка 2023
Месца	Міжнародны аэрапорт Хартума  (англ.)
Каардынаты	15°35′22″ пн. ш. 32°33′11″ у. д.HGЯO
Прычына	пачатак баёў за аэрапорт
Вынік	ад 14 да 20 лайнераў пацярпелі

Абстаноўка

Гл. таксама: Бітва за Хартум (2023)

Раніцай 15 красавіка 2023 года пачынаюцца сутыкненні паміж Сіламі аператыўнай падтрымкі (САП) і Узброенымі сіламі Судана (УСС). Хутка прадстаўнікі САП заявілі, што захапілі сталічны аэрапорт^[2], хоць іх апаненты гэта адмаўлялі. 18 красавіка з 18:00 па мясцовым часе было абвешчана спыненне агню, падчас чаго баі ў раёне паветранай гавані аціхлі.

Паведамленні

Паводле паведамленняў Flightradar24  (англ.), у першы дзень канфлікту ў міжнародным аэрапорце Хартума  (англ.) некалькі самалётаў кампаній Saudia  (англ.), Badr Airlines  (англ.) (20 красавіка цалкам знішчаны^[1]) і SkyUp Airlines  (англ.) былі пашкоджаны^[3]. Пазней Saudia пацвердзіла, што адзін з яе бортаў трапіў пад абстрэл перад узлётам, а ўсе пасажыры, экіпаж і персанал эвакуіраваны ў пасольства Саудаўскай Аравіі^[4]. Сярод пацярпелых бартоў быў і самалёт Сусветнай харчовай праграмы (СХП)^[5].

Спадарожнікавыя здымкі, апублікаваныя Maxar Technologies 17 красавіка, паказалі наступствы баёў у аэрапорце. На першых трох выявах зафіксаваны па меншай меры 14 знішчаных самалётаў. Выданне New York Times, правёўшы аналіз спадарожнікавых фота Maxar і Planet Labs, заявіла пра 20 бартоў^[6].

Станам на 21 красавіка ўсяго ў Хартуме было вядома пра наступныя знішчаныя альбо пашкоджаныя самалёты^[1]:

• Airbus A330-300  (англ.) (Saudia), рэгістрацыйны нумар HZ-AQ30
• Боінг 737-86Q (SkyUp Airlines), рэгістрацыйны нумар UR-SQH
• Боінг 737-8AL (Badr Airlines), рэгістрацыйны нумар 4L-MWA
• Боінг 737-300F (Asia Cargo Airlines  (англ.)), рэгістрацыйны нумар PK-YGW
• Іл-76ТД (Belcanto Airlines), рэгістрацыйны нумар EW-576TH
• Іл-76 (урад Судана^[7]), рэгістрацыйны нумар ST-PRA
• Неўсталяваныя тры Іл-76М, два Ан-74  (руск.), адзін Ан-12

Большая частка знішчана да раніцы 17 красавіка^[6].

Наступствы

Хутка былі адменены рэйсы шэрагу авіякампаній з і ў Судан^[8]. Баявыя дзеянні вакол міжнароднага аэрапорта і знішчэнне грамадзянскіх самалётаў абцяжарылі эвакуацыю замежнікаў. Гэта вымусіла многіх ехаць на машынах у Порт-Судан, які знаходзіцца прыкладна за 650 км на паўночны ўсход ад Хартума^[5]. Знішчэнне борта СХП паўплывала на здольнасць арганізацыі перамяшчаць персанал і аказваць дапамогу людзям па ўсёй краіне^[9].

Іншыя выпадкі

28 красавіка на авіябазе Вадзі-Саідна абстраляны турэцкі эвакуацыйны самалёт. Борт меў патрэбу ў рамонце, бо была пашкоджана паліўная сістэма^[10].