Канстанцін Ігаравіч Ганчароў

У Вікіпедыі ёсць артыкулы пра іншых людзей з прозвішчам Ганчароў.

Канстанцін Ігаравіч Ганчароў (нар. 27 кастрычніка 1987 года, Віцебск) — беларускі тэатральны дзеяч. Мастацкі кіраўнік Нацыянальнага акадэмічнага драматычнага тэатра імя Якуба Коласа (з верасня 2024 года)^[1].

Канстанцін Ігаравіч Ганчароў
Дата нараджэння	27 кастрычніка 1987(1987-10-27) (37 гадоў)
Месца нараджэння	Віцебск, Віцебская вобласць, Беларуская ССР, СССР
Адукацыя	Віцебскі дзяржаўны каледж культуры і мастацтваў (2008) Беларускі дзяржаўны ўніверсітэт культуры і мастацтваў (2016)
Прафесія	педагог, тэатральны рэжысёр

Біяграфія

У 2008 годзе скончыў Віцебскае дзяржаўнае вучылішча мастацтваў, у 2016 годзе — Беларускі дзяржаўны ўніверсітэт культуры і мастацтваў.

Працаваў у розных установах культуры і адукацыі, прымаў актыўны ўдзел у віцебскім гарадскім конкурсе "Сцэнічныя чытанні «Школьны тэатр», арганізатарам якога з’яўляецца тэатр імя Якуба Коласа. З 2022 года працуе ў Віцебскім дзяржаўным каледжы культуры і мастацтваў выкладчыкам цыклавой камісіі рэжысуры і майстэрства акцёра. У 2023 годзе Канстанцін Ганчароў паставіў на вялікай сцэне тэатра імя Якуба Коласа драму «Выбар» па п’есе А.Дударава, у 2024-м — ваенную драму «Сотнікаў» паводле аднайменнай аповесці В.Быкава.