Канстанцін Вікенцьевіч Драздоўскі

Канстанцін Вікенцьевіч Драздоўскі (нар. 26 мая 1974, Мінск) — беларускі медык і дэпутат. Кандыдат медыцынскіх навук.

Канстанцін Вікенцьевіч Драздоўскі

У Вікіпедыі ёсць артыкулы пра іншых людзей з прозвішчам Драздоўскі.

Біяграфія

Нарадзіўся 26 мая 1974 года ў горадзе Мінску^[1].

Скончыў Мінскі дзяржаўны медыцынскі ўніверсітэт, Акадэмію кіравання пры Прэзідэнце Рэспублікі Беларусь^[1]. Кандыдат медыцынскіх навук^[1].

Працаваў у 1-й гарадской клінічнай бальніцы Мінска ў якасці ўрача-стажора і ўрача-хірурга; старшым лабарантам Беларускай медыцынскай акадэміі паслядыпломнай адукацыі; урачом-кардыёлагам, загадчыкам лабараторыі, намеснікам дырэктара па дзіцячай кардыяхірургіі РНПЦ «Кардыялогія»^[1].

Дырэктар Рэспубліканскага навукова-практычнага цэнтра дзіцячай хірургіі^[1].

Быў членам Савета Рэспублікі Нацыянальнага сходу Беларусі 7-га склікання^[1].

Узнагароды

Узнагароджаны медалём «За працоўныя заслугі»^[1].