Капліца Святых Апосталаў Пятра і Андрэя (Дабраўляны)

Капліца Святых Апосталаў Пятра і Андрэя — каталіцкая капліца на ўсходняй ускраіне вёскі Дабраўляны Смаргонскага раёна.

Славутасць
Капліца Святых Апосталаў Пятра і Андрэя
54°47′20″ пн. ш. 26°24′08″ у. д.HGЯO
Краіна	Беларусь
Месцазнаходжанне	Дабраўляны
Архітэктурны стыль	неакласіцызм
Дата пабудовы	1826
Статус	Гісторыка-культурная каштоўнасць Беларусі, шыфр 413Г000772шыфр 413Г000772

Гісторыя

Пабудавана ў 1826^[1] годзе, або ў канцы XIX ст. ў былым сядзібна-паркавым комплексе Гюнтараў. Помнік архітэктуры неакласіцызму.

У пачатку 1990-х гадоў адноўлена мясцовымі вернікамі разам з тагачасным свірскім пробашчам ксяндзом Войцехам Ляманскім. Капліца была асвячана ў гонар святых апосталаў Пятра і Андрэя архібіскупам Мінска-Магілёўскім Казімірам Свёнткам у свята св. Андрэя Апостала, 30 лістапада 1993 г^[2].

23 лістапада 2021 рашэннем Гродзенскага абласнога савета па пытаннях гісторыка-культурнай спадчыны капліцы прысвоены статус гісторыка-культурнай каштоўнасці 3-й катэгорыі^[1].

Архітэктура

Вырашана кампактным кубападобным цагляным аб’ёмам пад двухсхільным дахам. Плоскасныя фасады падзелены на 2 ярусы: 1-ы крапаваны прамавугольнымі нішамі, 2-і — вуглавымі і прасценачнымі лапаткамі, апяразаны прафіляваным карнізам. Над прамавугольным уваходным праёмам размешчаны «ляжачы» аконны праём. Тарцовыя фасады завершаны трохвугольнымі франтонамі. Зала асветлена 2 квадратнымі вокнамі на алтарнай сцяне.

Зноскі

1. Тры капліцы атрымалі статус гісторыка-культурнай каштоўнасці
2. У Дабраўлянах адзначылі срэбраны юбілей асвячэння капліцы св. Пятра і Андрэя