Капліца Свяціцеля Мікалая Цудатворцы (Каралеўцы)

Капліца Свяціцеля Мікалая Цудатворцы — праваслаўная капліца ў в. Каралеўцы Вілейскага раёна Мінскай вобласці. З’яўляецца прыпісной да прыходу Царквы Святога Іосіфа ў аг. Іжа.

Капліца праваслаўная
Свята-Мікалаеўская капліца
54°38′17″ пн. ш. 26°46′37″ у. д.HGЯO
Краіна	Беларусь
Вёска	Каралеўцы
Канфесія	Беларуская праваслаўная царква
Епархія	Маладзечанская
Тып будынка	Капліца
Архітэктар	Мікалай Іосіфавіч Лук’янчык
Будаўніцтва	2006—2008 гады
Стан	дзейная
Медыяфайлы на Вікісховішчы

Гісторыя

Знаходзіцца на могілках, на заходнім краі вёскі, на месцы старадаўняй капліцы-царквы, вывезеннай у 1986 годзе ў Беларускі дзяржаўны музей народнага дойлідства і побыту^[1][2]. Пабудавана з дрэва, намаганнямі тагачаснага настаяцеля Іжскай царквы айца Вячаслава (Вабішчэвіча) і мясцовых жыхароў^[3], па праекце архітэктара Мікалая Лук’янчыка. Будаўніцтва распачалося позняй восенню 2006 года, асвячэнне адбылося 22 мая 2008 года^[4].

Архітэктура

Кубападобны зруб накрыты шатровым дахам, злучаным з апсідай трохсхільным вальмавым дахам. У завяршэнні — 8-гранны барабан з цыбулепадобнай галоўкай. Франтальны фасад вылучаны двухсхільнай навіссю на 2 слупах. Бакавыя сцены аздобленыя двума прамавугольнымі аконнымі праёмамі.

Зноскі

1. Капліца з 1802-га — новы «цвік» маршруту скансена Архівавана 13 кастрычніка 2022. // Культура
2. На тэрыторыі Вілейскага раёна на ўліку знаходзіцца 314 помнікаў гісторыі і культуры(недаступная спасылка) // VIALEJKA.INFO
3. Унікальная капліца з Каралеўцаў Архівавана 4 верасня 2018. // Шлях перамогі
4. Нарачанка і яе берагі 2013.