Караль Наўроцкі

У Вікіпедыі ёсць артыкулы пра іншых людзей з прозвішчам Наўроцкі.

Караль Тадэвуш Наўроцкі (польск.: Karol Tadeusz Nawrocki; нар. 3 сакавіка 1983(1983-03-03)^[1], Гданьск^[1]) — польскі гісторык^[3]. Прэзідэнт Польшчы з 2025 года. Кіраўнік Інстытута нацыянальнай памяці (ІНП). У 2017—2021 гадах дырэктар Музея Другой сусветнай вайны ў Гданьску^[4][5].

Караль Наўроцкі
польск.: Karol Nawrocki
дырэктар музея[d] 19 кастрычніка 2017 — 23 ліпеня 2021
Папярэднік	Paweł Machcewicz[d]
Пераемнік	Grzegorz Berendt[d]
старшыня ўправы[d] 23 ліпеня 2021 — 6 жніўня 2025
Папярэднік	Jarosław Szarek[d]
прэзідэнт Польшчы з 6 жніўня 2025
Папярэднік	Анджэй Дуда
Нараджэнне	3 сакавіка 1983(1983-03-03)[1] (42 гады) Гданьск, Гданьскае ваяводства, Польская Народная Рэспубліка[1]
Імя пры нараджэнні	польск.: Karol Tadeusz Nawrocki[2]
Жонка	Marta Nawrocka[d]
Веравызнанне	Каталіцкая Царква
Адукацыя	Гданьскі ўніверсітэт (2008) Пачатковая школа № 58 у Гданьску[d] (1998) Гданьскі агульнаадукацыйны ліцэй №4[d] (2002) Гданьскі політэхнічны ўніверсітэт (2023)
Навуковая ступень	доктар філасофіі
Месца працы	Інстытут нацыянальнай памяці (Польшча) Музей Другой сусветнай вайны (Гданьск) Інстытут нацыянальнай памяці (Польшча)
Узнагароды	медаль Стагоддзя вяртання незалежнасці[d] (2019)
Медыяфайлы на Вікісховішчы

Біяграфія

Скончыў гістарычны факультэт Гданьскага ўніверсітэта, дзе ў 2013 годзе абараніў доктарскую дысертацыю. У 2023 годзе скончыў аспірантуру Гданьскага тэхналагічнага ўніверсітэта — International MBA in Strategy, Programme and Project Management. У 2009—2017 гадах працаваў у Інстытуце нацыянальнай памяці, у 2013—2017 — узначальваў Аддзяленне народнай адукацыі ў Гданьску ІНП. У 2011—2017 гадах кіраваў Сядлецкім раённым саветам у Гданьску.

У 2017 годзе прызначаны дырэктарам Музея Другой сусветнай вайны ў Гданьску, займаў пасаду да 2021 года, калі вярнуўся ў Інстытут нацыянальнай памяці і ў чэрвені 2021 года стаў яго віцэ-прэзідэнтам. У ліпені 2021 года заняў пасаду новага кіраўніка Інстытута нацыянальнай памяці пасля абрання Соймам і зацвярджэння Сенатам Рэспублікі Польшча.

У лютым 2024 года ўключаны ў спіс асоб расшукваных Расійскай Федэрацыяй па крымінальнай справе за дзейнасць па дэмантажы помнікаў Чырвонай Арміі ў Польшчы^[6].

24 лістапада 2024 года абвешчаны і падтрыманы партыяй «Права і Справядлівасць» незалежным кандыдатам на пасаду прэзідэнта Рэспублікі Польшчы. Выйграў выбары ў другім туры 2 чэрвеня 2025 года з вынікам 50,89 % галасоў^[7].

Акадэмічная дзейнасць

Аўтар або суаўтар некалькіх кніг і шматлікіх навуковых і навукова-папулярных артыкулаў па тэме антыкамуністычнай апазіцыі, арганізаванай злачыннасці ў ПНР і гісторыі спорту.

Асабістае жыццё

Бацька Рычард працаваў токарам, а падчас Польскай Народнай Рэпублікі ўдзельнічаў у апазіцыйнай дзейнасці і быў сябрам «Салідарнасці». Маці Эльжбета працавала пераплётчыцай^[8]. Сястра Ніна працуе ў сферы грамадскага харчавання^[9]. Жонка Марта Наўроцкая працуе ў Дзяржаўнай падатковай адміністрацыі. Мае двух дзяцей: сына Антона і дачку Катажыну. Таксама выхоўвае сына Даніэля — сына сваёй жонкі ад першага шлюбу^[9][10][11].

З’яўляецца балельшчыкам Лехіі Гданьск^[12]. Мае дазвол на зброю для асабістай абароны^[13].

Узнагароды

• Бронзавы Крыж Заслугі (2019).
• Срэбны Крыж Заслугі (2021).