Карламан (кароль Баварыі)

У Вікіпедыі ёсць артыкулы пра іншых людзей з імем Карламан.

Карламан (ням.: Karlmann, фр.: Carloman) (830 — 22 верасня 880, Альцётынг, Баварыя) — кароль Баварыі (з 876 года) і Італіі (з 877 года) з дынастыі Каралінгаў.

Карламан
лац.: Karlomannus, ням.: Karlmann
19-ы кароль Баварыі 865/28 жніўня 876 — 22 верасня 880
Папярэднік	Людовік II Нямецкі
Пераемнік	Людовік III Малады
кароль Італіі 6 кастрычніка 877 — 879/22 верасня 880
Папярэднік	Карл II Лысы
Пераемнік	Карл III Тоўсты
Нараджэнне	каля 830[1] невядома
Смерць	22 верасня 880[1] Альцётынг, Раён Альцётынг, Верхняя Баварыя, Каралеўства Баварыя, Баварская акруга, Свяшчэнная Рымская імперыя[1]
Месца пахавання	Альцётынг
Род	Каралінгі[1]
Бацька	Людовік II Нямецкі[2]
Маці	Эма Баварская[d][1]
Жонка	наложніца: Ліўтсвінда
Дзеці	бастард: Арнульф
Медыяфайлы на Вікісховішчы

Біяграфія

Карламан быў старэйшым сынам Людовіка II Нямецкага, караля Усходне-Франкскага каралеўства, (Германіі) і Эмы Баварскай, дочкі Вельфа I, графа Альтдорфа. У 861 годзе Карламан падняў паўстанне супраць свайго бацькі, а ў 863 годзе да новага мецяжу Карламана далучыліся і яго малодшыя браты Людовік III Малодшы і Карл III Тоўсты. У 865 годзе Людовік Нямецкі быў вымушаны саступіць Баварыю Карламану, а ў наступным годзе ён перадаў Саксонію Людовіку Малодшаму, а Швабію Карлу Талстому. Пазней Карламан прымірыўся са сваім бацькам, і яны разам змагаліся за імперскую карону з імператарам Людовікам II, праўда няўдала.

Пасля смерці бацькі ў 876 годзе Германія была падзелена паміж Карламанам і яго братамі. У 877 годзе памёр кароль Заходне-Франкскага каралеўства і імператар Захаду Карл II Лысы, што дазволіла сынам Людовіка Нямецкага прад’явіць прэтэнзіі на яго спадчыну. Карламан атрымаў карону Італіі, а яго малодшы брат Карл III Тоўсты стаў імператарам. Але ўжо ў 879 годзе Карламана разбіў параліч, і, прадчуваючы смерць, ён вырашыў падзяліць свае ўладанні. Людовік Малодшы атрымаў Баварыю, а Карл Тоўсты — Італію. Карламан не быў у шлюбе і не меў законных дзяцей, аднак ад нейкай Ліўтсвінды ў яго быў незаконнанароджаны сын Арнульф, якому ён завяшчал Карынтыю. Карламан сканаў 22 верасня 880 года ў Альцётынге, пахаваны ў манастырскай царкве.

Папярэднік  Людовік II Нямецкі	кароль Баварыі  876 — 880	Пераемнік Людовік III Малодшы
Папярэднік  Карл II Лысы	кароль Італіі  877 — 880	Пераемнік Карл III Тоўсты

Зноскі

1. Settipani C. La Préhistoire des Capétiens: Première partie : Mérovingiens, Carolingiens et Robertiens — Villeneuve-d'Ascq: 1993. — P. 289–290. — ISBN 978-2-9501509-3-6

   <a href='https://wikidata.org/wiki/Track:Q1081905'></a><a href='https://wikidata.org/wiki/Track:Q43295'></a><a href='https://wikidata.org/wiki/Track:Q13422577'></a>
2. Карломан // Энциклопедический словарь — СПб.: Брокгауз — Ефрон, 1895. — Т. XIVа. — С. 517–518.

   <a href='https://wikidata.org/wiki/Track:Q24436790'></a><a href='https://wikidata.org/wiki/Track:Q19908137'></a><a href='https://wikidata.org/wiki/Track:Q23892923'></a><a href='https://wikidata.org/wiki/Track:Q602358'></a>