Карла Барамеа

У Вікіпедыі ёсць артыкулы пра іншых людзей з прозвішчам Барамеа.

Карла Барамеа, або Карл Барамей (італ.: Carlo Borromeo, лац.: Carolus Borromeus; 2 кастрычніка 1538, Арона, П’емонт — 3 лістапада 1584, Мілан) — кардынал і святы каталіцкай царквы. Адзін з самых выдатных дзеячаў Контррэфармацыі, ініцыятар рэформы манаскіх ордэнаў.

Карла Барамеа
італ.: Carlo Borromeo
Партрэт Карла Барамеа працы Джавані Амброджа Фіджына (1548—1608)
Архібіскуп міланскі 7 лютага 1560 — 3 лістапада 1584
Папярэднік	Джавані Анджэла Медычы
Пераемнік	Гаспарэ Вісконці
Камерленга Калегіі кардыналаў 1575 — 1576
Папярэднік	Уберта Гамбара
Пераемнік	Альфонса Джэзуальда
Вялікі пенітэнцыярый 1565 — 1572
Папярэднік	Рануча Фарнезэ
Пераемнік	Джавані Альдабрандзіні
Дзяржаўны сакратар Святога Прастола 21 снежня 1560 — 1565
Папярэднік	Джыралама Дандзіні
Пераемнік	Таламеа Галіа
Кардынал-святар Святой Пракседы 17 лістапада 1564 — 3 лістапада 1584
Папярэднік	Крыстафора дэль Монтэ
Пераемнік	Нікола дэ Пелевэ
Кардынал-святар Сан-Марціна-ак-Монці 4 чэрвеня 1563 — 17 лістапада 1564
Папярэднік	сам, як кардынал-дыякан
Пераемнік	Філібер Бабу Лабурдэзьер
Кардынал-дыякан Сан-Марціна-ак-Монці 4 верасня 1560 — 4 чэрвеня 1563
Папярэднік	Дыямід Карафа
Пераемнік	сам, як кардынал-святар
Кардынал-дыякан Санці-Віта-і-Мадэста 14 лютага 1560 — 4 верасня 1560
Папярэднік	Карла Карафа
Пераемнік	Карла Вісконці
Адукацыя	Павійскі ўніверсітэт
Дзейнасць	каталіцкі святар, каталіцкі дыякан, архіепіскап, дыпламат, inquisitor, прапаведнік, святар
Нараджэнне	2 кастрычніка 1538[1][2] Арона[d], Міланскае герцагства
Смерць	3 лістапада 1584(1584-11-03)[3][4][…] (46 гадоў) Мілан, Міланскае герцагства
Пахаванне	Міланскі сабор
Дынастыя	House of Borromeo[d]
Бацька	Giberto II Borromeo[d]
Маці	Margherita Medici[d]
Дыяканская хіратонія	21 снежня 1560
Прэсвітарская хіратонія	4 верасня 1563
Епіскапская хіратонія	7 снежня 1563
Кардынал з	31 студзеня 1560
Медыяфайлы на Вікісховішчы

«Святы Карл Барамей». Карціна Арацыа Барджані, Дзяржаўны Эрмітаж, Санкт-Пецярбург

Жыццё і дзейнасць

Карла Барамеа нарадзіўся 2 кастрычніка 1538 года ў радавым замку ў Ароне пры возеры Лага-Маджорэ^[5]; паходзіў з італьянскага дваранскага роду Барамеа і, як і кардынал Альтэмпс, быў пляменнікам Папы Пія IV. З 1554 вывучаў права ў Павіі. Быў закліканы ў Рым Піем IV. У 1560 стаў кардыналам, у 1563 — архібіскупам міланскім.

Актыўна ажыцяўляў пастановы Трыдэнцкага сабору, у тым ліку браў удзел у распрацоўцы новага катэхізіса. Высока шанаваў багаслоўскія трактаты Луіса дэ Гранады, хадатайнічаў перад Папам пра іх апраўданне (яны былі ўнесены ў Індэкс забароненых кніг, 1559).

Удзельнічаючы ў рэформе ордэнаў і кляштароў і барацьбе за маральнае абнаўленне царквы, дамагаўся строгай дысцыпліны, што прывяло да незадавальнення шэрагу клірыкаў (ордэн гуміліятаў) і замаху на яго ў 1569. Падчас эпідэміі чумы 1575—1578 клапаціўся аб тых, хто паміраў і здзяйсняў абрады над памерлымі. У 1578 годзе заснаваў ордэн аблатаў Св. Амвросія. Прыняў актыўны ўдзел у распрацоўцы набажэнскіх кніг амврасіянскага абраду. Змагаўся з пратэстанцтвам у Швейцарыі. Карла Барамеа быў таксама заступнікам кампазітара Палестрыны.

У 1602 быў беатыфікаваны, у 1610 — кананізаваны. Гэта адзіны кардынал-пляменнік, прылічаны да ліку святых (калі не лічыць Ансельма з Лукі, які жыў у XI стагоддзі).

Выява ў мастацтве

Св. Карла Барамеа малявалі смуглым мужчынам арыстакратычнай знешнасці ў кардынальскім аблачэнні. Яго атрыбутамі былі распяцце, чэрап, вяроўка грэшніка, які каецца, і пацір.

Святы Карла Барамеа. Арона, Навара

Гіганцкая статуя святога ўзведзена па загаду яго брата, кардынала Федэрыка Барамеа у г. Арона (Навара). Працы — па малюнку Джавані Батысты Крэспі, — былі скончаны ў 1698.

Зноскі

1. RKDartists Праверана 23 жніўня 2017.

   <a href='https://wikidata.org/wiki/Track:Q17299517'></a>
2. BeWeB Праверана 12 лютага 2021.

   <a href='https://wikidata.org/wiki/Track:Q77541206'></a>
3. Catholic-Hierarchy.org — USA: 1990. Праверана 7 красавіка 2017.

   <a href='https://wikidata.org/wiki/Track:Q30'></a><a href='https://wikidata.org/wiki/Track:Q3892772'></a>
4. St. Charles Borromeo // Encyclopædia Britannica Праверана 7 красавіка 2017.

   <a href='https://wikidata.org/wiki/Track:Q5375741'></a>
5. Борромео, Карло // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.