Карла Райнальдзі

Карла Райнальдзі (Carlo Rainaldi; 1611—1691) — адзін з архітэктараў, які ўнёс найбольшы ўклад у фарміраванне аблічча Рыма эпохі барока.

Карла Райнальдзі
Carlo Rainaldi
Дата нараджэння	4 мая 1611(1611-05-04)
Месца нараджэння	Рым
Дата смерці	8 лютага 1691(1691-02-08) (79 гадоў)
Месца смерці	Рым
Грамадзянства	Італія
Працы і дасягненні
Працаваў у гарадах	Рым
Архітэктурны стыль	барока
Найважнейшыя пабудовы	перабудовы царквы Санта Марыя Маджорэ, царква Санта Марыя ін Кампітэла, царква Сант Андрэа дэла Вале, парныя цэрквы на П'яцца дэль Попала, усё- Рым.
Уплыў	Girolamo Rainaldi[d]
Уплыў на	Карла Фантана
Медыяфайлы на Вікісховішчы

Парныя цэрквы (Санта Марыя дэі Міраколі і Санта Марыя ін Мантэсанта) у П'яцца дэль Попала нагадваюць прапілеі.

Абсіда, лесвіцы царквы Санта Марыя Маджорэ, Рым

Да смерці ў 1655 годзе бацькі, Джыралама Райнальдзі, Карла працаваў пад яго кіраўніцтвам у традыцыі паўночнаітальянскага маньерызма (у прыватнасці, над фасадам Сант-Аньезэ-ін-Агонэ). Уласная манера малодшага Райнальдзі, якая склалася ў 1660-я гг., адзначана цягай да тэатральнай манументальнасці.

З твораў Райнальдзі ў «паўночнай» манеры найбольш вылучаецца царква Санта-Марыя-ін-Кампітэлі (1663-67), Шмат'яруснае выкарыстанне калон стварае ў гледача адчуванне ўзнёсласці. У 1661-65 гг. працаваў над фасадам грандыёзнай Сант-Андрэа-дэла-Вале. Адначасова спраектаваў парныя цэрквы на П'яца дэль Попала.

У канцы жыцця Райнальдзі будаваў усходні фасад базілікі Санта-Марыя-Маджорэ, закліканы арганічна аб'яднаць старажытную апсідную частку з капэлай, прыбудаванымі Сікстам V і Паўлам V.

Зноскі