Касцёл Найсвяцейшай Дзевы Марыі (Задарожжа)

Касцёл Найсвяцейшай Дзевы Марыі — рымска-каталіцкі храм у Задарожжы^[1] Глыбоцкага раёна, узведзены ў 1910.

Славутасць
Касцёл Найсвяцейшай Дзевы Марыі
55°15′51,34″ пн. ш. 27°57′06,80″ у. д.HGЯO
Краіна	Беларусь
Вёска	Задарожжа
Канфесія	Рымска-каталіцкая царква
Епархія	Віцебская дыяцэзія
Архітэктурны стыль	неаготыка
Будаўніцтва	1910
Статус	Гісторыка-культурная каштоўнасць Беларусі, шыфр 213Г000385шыфр 213Г000385
Вышыня	20 м
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Касцёл Найсвяцейшай Дзевы Марыі.

Аб'ект Дзяржаўнага спісу гістарычна-культурных каштоўнасцей Рэспублікі Беларусь.

Гісторыя

Дыван працы Язэпа Драздовіча

У 1902 згарэў стары драўляны касцёл, пасля чаго пачолася будаўніцтва новага мураванага, завершанае ў 1910.

Святыню на сваім малюнку адлюстраваў беларускі мастак Язэп Драздовіч.

Архітэктура

Помнік архітэктуры неаготыкі. Магутная 3-нефавая базіліка з 5-граннай апсідай. Галоўны фасад фланкуюць 2-ярусныя 4-гранныя вежы са шпілямі. Сцены рытмічна падзяляюцца ступеньчатымі контрфорсамі ў прасценках высокіх стральчатых аконных праёмаў. У інтэр'еры — стральчатыя скляпенні, над уходам — хоры.

Вакол касцёла бутавая агароджа з 3-аркавай брамай і вуглавой 2-яруснай шатровай званіцай^[2].

• 
  Інтэр'ер касцёла
• 
  Брама касцёла
• 
  Магілы Грынеўскіх на цвінтары

Зноскі

1. Знаходзіцца на паўночнай ускраіне суседняй в. Мнюта 2
2. Кулагін А. М. Каталіцкія храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мн.: БелЭн, 2001.