Касцёл Найсвяцейшай Тройцы (Бяроза)

Касцёл Найсвяцейшай Тройцы — мураваны каталіцкі храм у горадзе Бярозе Брэсцкай вобласці.

Каталіцкі храм
Касцёл Найсвяцейшай Тройцы
52°32′30″ пн. ш. 24°59′42″ у. д.HGЯO
Краіна	Беларусь
Месцазнаходжанне	Бяроза
Канфесія	Каталіцызм
Епархія	Пінская дыяцэзія
Дата пабудовы	1998 год
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Касцёл Найсвяцейшай Тройцы.

Гісторыя

Пабудаваны ў 1998 годзе з цэглы паводле праекта архітэктара Л. Каспяровіча. Асвячоны 7 чэрвеня кардыналам Казімірам Свёнтакам. Побач з храмам знаходзіцца дом святароў-палатынаў.

Архітэктура

Храм выкананы паводле канона трохнефавай двухвежавай базілікі ў стылі стылізаванага рэнесансу. Стрыманую дынаміку архітэктурнай кампазіцыі галоўнага фасада ствараюць фланкіруючыя шатровыя вежы (два васьмерыкі на чацверыку), якія аб’яднаны завершанай двухгранным шчытом цэнтральнай фасаднай плоскасцю з вялікай арачнай нішай увахода. Над ім у тымпане шчыта ў арачнай нішы абраз. Архітэктурны рытм атынкаваных плоскасных фасадаў ствараюць арачныя праёмы, між’ярусныя прафіляваныя карнізы, плоскія лапаткі^[1].

Гл. таксама

• Пружанскі дэканат

Зноскі

1. Архіўная копія (нявызн.)(недаступная спасылка). Архівавана з першакрыніцы 6 кастрычніка 2019. Праверана 6 кастрычніка 2019.