Касцёл Святога Іасафата Кунцэвіча (Канстанцінава)

Касцёл Святога Іасафата Кунцэвіча — мураваны каталіцкі храм у в. Канстанцінаве Глыбоцкага раёна Віцебскай вобласці.

Каталіцкі храм
Касцёл Святога Іасафата Кунцэвіча
55°07′24″ пн. ш. 27°30′35″ у. д.HGЯO
Краіна	Беларусь
Месцазнаходжанне	Канстанцінава
Канфесія	Каталіцызм
Епархія	Віцебская дыяцэзія
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Касцёл Святога Іасафата Кунцэвіча.

Гісторыя

Пабудаваны ў 1993—1995 гадах з цэглы на месцы касцёла, зруйнаванага 2 ліпеня 1962 года.

21 лістапада 1995 года кардынал Казімір Свёнтак асвяціў касцёл пад тытулам святога Іасафата Кунцэвіча. Часткова захавалася старая званіца.

Архітэктура

Вырашаны двумя прамавугольнымі ў плане пад двухсхільнымі дахамі аб’ёмамі малітоўнай залы і апсіды, да якой дабудавана сакрысція. Галоўны і тыльны фасады завершаны васьміграннымі шатровымі драўлянымі барабанамі. Плоскасныя фасады расчлянёны арачнымі аконнымі і лучковымі ўваходнымі праёмамі ў ліштвах, крапаваны вуглавымі пілястрамі.

Перад касцёлам захавалася званіца 19 ст. Васьміграннае трох’яруснае збудаванне пад шатровым пакрыццём. Першыя два ярусы мураваныя глухія, трэці драўляны, адкрыты прамавугольнымі прасветамі^[1].

• 
• 
• 
• 

Гл. таксама

• Глыбоцкі дэканат

Зноскі

1. Архіўная копія (нявызн.)(недаступная спасылка). Архівавана з першакрыніцы 1 кастрычніка 2019. Праверана 1 кастрычніка 2019.