Касцёл Святога Станіслава (Далёкія)

Касцёл Святога Станіслава — каталіцкі храм у Беларусі, помнік архітэктуры, знаходзіцца ў цэнтры аграгарадка Далёкія (Браслаўскі раён, Віцебская вобласць), на невялікім узвышэнні, сярод сосен.

Касцёл
Касцёл Святога Станіслава
55°28′41″ пн. ш. 26°52′07″ у. д.HGЯO
Краіна	Беларусь
Аграгарадок	Далёкія
Канфесія	Рымска-каталіцкая царква
Епархія	Віцебская дыяцэзія
Дата пабудовы	1930-я

Архітэктура

Інтэр’ер

Пабудаваны ў 1930-я гады. Касцёл асвяціў 1 чэрвеня 1939 года віленскі арцыбіскуп Рамуальд Ялбжыкоўскі^[1]. Аднавежавы, трохнефавы з пяціграннай апсідай будынак. Высокая, квадратная ў плане, вежа завершана фігурным купалам з вежачкай. Аналагічная вежачка ўпрыгожвае алтарную частку. Фасады больш нізкіх бакавых і цэнтральнага нефаў прарэзаны вялікімі прамавугольнымі аконнымі праёмамі. Апсіда і тарцы бакавых нефаў маюць лучковыя праёмы. Усе аб’ёмы накрыты самастойнымі дахамі. Архітэктуры храма ўласцівы чысціня ліній і гарманічнасць кампазіцыі.

Зноскі

1. «Słowo», Nr. 153, 6.6.1939