Катастрофа ATR 42 на возеры Вікторыя

Катастрофа ATR 42 на возеры Вікторыя — авіяцыйная катастрофа, якая адбылася 6 лістапада 2022 года. Самалёт ATR 42-500, які выконваў рэйс 494 з 39 пасажырамі і 4 членамі экіпажа, пацярпеў крушэнне на возеры Вікторыя пры заходзе на пасадку ў аэрапорт горада Букоба ў Танзаніі^[2][1].

Катастрофа ATR 42 на возеры Вікторыя
Пацярпелы самалёт за 10 гадоў і 11 месяцаў да катастрофы.
Агульныя звесткі
Дата	6 лістапада 2022
Час	08:53[1]
Месца	возера Вікторыя, Танзанія
Загінулыя	19
Параненыя	24
Паветранае судна
Мадэль	ATR 42-500
Авіякампанія	Precision Air
Пункт вылету	Дар-эс-Салам
Прыпынкі ў дарозе	Мванза
Пункт прызначэння	Букоба
Рэйс	494
Пасажыры	39
Экіпаж	4

Самалёт

Пацярпелым самалётам быў ATR 42 з серыйным нумарам 819 і рэгістрацыйным 5H-PCD^[3]. Здзейсніў свой першы палёт 16 жніўня 2010 года і неўзабаве перададзены кампаніі Precision Air. Абсталяваны двума турбавінтавымі рухавікамі Pratt & Whitney Canada PW100^[1][4].

Экіпаж і пасажыры

Склад экіпажа рэйса 494 быў такім^[5]:

• Камандзір паветранага судна (КПС) — Бурухані Бубага (англ.: Buruhani Bubaga);
• Другі пілот — Пітэр Адхіамба (англ.: Peter Odhiambo);
• 2 бортправаднікі.

Адзін з пасажыраў і другі пілот былі кенійцамі, усе астатнія на борце — грамадзяне Танзаніі.

Катастрофа

Рэйс 494 вылецеў з Дар-эс-Салама ў Букобу з прыпынкам у Мванза. Самалёт упаў у возера Вікторыя пры спробе прызямліцца на аэрадроме. Машына амаль цалкам пагрузілася ў ваду, на паверхні быў бачны толькі яе хвост^[2]. З 43 чалавек, якія знаходзіліся на борце, 19 загінулі^[6].

Хутка да месца здарэння прыбылі ратавальнікі і рыбакі, спрабуючы выратаваць людзей з пастцы ўнутры самалёта. Супрацоўнікі экстранных службаў падтрымлівалі сувязь з пілотамі і імкнучыся падцягнуць самалёт бліжэй да берага з дапамогай вяровак^[2][6][7].

Расследванне

Прэм’ер-міністр Танзаніі Касім Маджаліва распарадзіўся правесці расследаванне катастрофы. Да расследавання далучыліся Упраўленне грамадзянскай авіяцыі Танзаніі, Французскае бюро па расследаванні і аналізу бяспекі грамадзянскай авіяцыі, тэхнічныя кансультанты з кампаніі-вытворцы самалёта ATR^[8][9].

Зноскі

1. ASN Aircraft accident ATR 42-500 5H-PWFBukoba airport (BKZ) (нявызн.). Aviation Safety Network. Праверана 6 November 2022.
2. Dausen, Nuzulack (6 November 2022). Passenger plane crashes into Lake Victoria in Tanzania. Reuters. Праверана 6 November 2022.
3. Charlotte Seet. Precision Air ATR 42 Crashes Into Lake Victoria (англ.). Simple Flying (6 лістапада 2022). Праверана 6 лістапада 2022.
4. 5H-PWF Precision Air ATR 42 (англ.). Planespotters. Праверана 6 лістапада 2022.
5. Precision Air crash: Kenyans among 19 killed in Tanzania (англ.). The East African (8 лістапада 2022). Праверана 8 лістапада 2022.
6. Tanzanian Precision Air plane crashes into Lake Victoria. BBC News. 2022-11-06. Праверана 2022-11-06.
7. Idris Mukhtar, Lauren Said-Moorhouse, Larry Madowo. Three dead after commercial aircraft crashes into Lake Victoria in Tanzania (англ.). CNN (6 лістапада 2022). Праверана 6 лістапада 2022.
8. French investigators head to Tanzania to help probe plane crash (англ.). Al Jazeera (7 лістапада 2022). Праверана 8 лістапада 2022.
9. Leo Sands (2022-11-07). Tanzania investigating crash landing into Lake Victoria that killed 19. The Washington Post. 0190-8286. Праверана 2022-11-08.