Ключэўскі раён

Ключэўскі раён (руск.: Ключе́вский райо́н) — адміністрацыйна-тэрытарыяльнае ўтварэнне (сельскі раён) і муніцыпальнае ўтварэнне (муніцыпальны раён) у Алтайскім краі Расіі. Адміністрацыйны цэнтр — сяло Ключы, размешчанае за 383 км ад Барнаула.

Ключэўскі раён
Краіна	Расія[1][2]
Уваходзіць у	Алтайскі край[3]
Адміністрацыйны цэнтр	Ключы[1]
Дата ўтварэння	1928
Насельніцтва	▼13 070 чал. (2021)[4]
Плошча	3 043 км²
Часавы пояс	OMST[5], KRAT[5] і UTC+7
Афіцыйны сайт
Медыяфайлы на Вікісховішчы

Геаграфія

Раён размешчаны ў заходняй частцы края і мяжуе на захадзе з Паўладарскай вобласцю Казахстана, на поўначы з Кулундзінскім раёнам, на ўсходзе з Родзінскім раёнам, на паўднёвым усходзе з Ваўчыхінскім раёнам, на поўдні з Міхайлаўскім раёнам.

Плошча — 3043 км². Займае 23-е месца па плошчы сярод раёнаў Алтайскага края.

Рэльеф — раўнінны. Абсалютныя вышыні 125—160 м. Клімат рэзка кантынентальны. Сярэдняя тэмпература студзеня −18,6 °C, ліпеня +20,8 °C. Гадавая колькасць атмасферных ападкаў 270 мм. На тэрыторыі раёна 26 азёр. Глебы каштанавыя. Растуць бяроза, асіна, таполя, вяз, клён, хвоя, стэпавае разнатраўе. Фаўна — ліса, заяц, карсак, андатра, тхор, лось, казуля, вавёрка, рысь.