Козіма Медычы Старэйшы

Козіма Медычы Стары (італ.: Cosimo di Giovanni de' Medici, Cosimo il vecchio) (27 верасня 1389, Фларэнцыя — 1 жніўня 1464, Фларэнцыя) — сын Джавані дзі Бічы (1360—1429), заснавальніка дынастыі Медычы, актыўны фларэнційскі палітычны дзеяч, адзін з выбітных дзяржаўных людзей свайго часу. Купец і банкір, найбагацейшы чалавек ў Еўропе.

Козіма дзі Джавані дэ Медычы
італ.: Cosimo di Giovanni de' Medici
Нараджэнне	27 верасня 1389 Фларэнцыя, Фларэнційская рэспубліка[1]
Смерць	1 жніўня 1464 (74 гады) Villa Medici at Careggi[d], Фларэнційская рэспубліка
Месца пахавання	Cosimo de' Medicis tomb[d]
Род	Медычы[2]
Бацька	Джавані дзі Бічы Медычы[d]
Маці	Пікарда Буеры[d]
Жонка	Кантэсіна дэ Бардзі[d]
Дзеці	П'еро дзі Козіма Медычы[d], Джавані дзі Козіма Медычы[d] і Карла Медычы[d]
Аўтограф
Медыяфайлы на Вікісховішчы

Для прагляду іншых значэнняў гэтага імя, звярнецеся да артыкула Козіма Медычы, значэнні.

Адзін з лепшых дзяржаўных людзей свайго часу, Козіма амаль неўзаметку, без хваляванняў, ператварыў Фларэнційскай рэспубліку ў спадчынную сіньёрыю, нязменна захоўваючы народную любоў. Упершыню абраны прыёрам рэспублікі ў 1416, ён здолеў скласці сабе моцную партыю, якая сутыкнулася з арыстакратычнай партыяй Альбіцы, якая стаяла тады на чале Фларэнцыі. Спачатку Козіма пацярпеў паразу, у 1433 быў арыштаваны і толькі з дапамогай подкупу яму ўдалося пазбавіцца смерці, выдаліўшыся ў выгнанне спачатку ў Павію, затым у Венецыю; але ўжо ў наступным годзе яго партыя атрымала перамогу, і Козіма вярнуўся ў Фларэнцыю.

Стаўшы на чале дзяржавы, Козіма заставаўся простым грамадзянінам, не прыняўшы ніякага тытула і не змяняючы рэспубліканскіх форм. Ад тыраніі, вымагальніцтваў і гвалтаў Козіма быў амаль цалкам свабодны і карыстаўся уладай для ўхілення ўнутраных смут і для кіраўніцтва вельмі цяжкімі адносінамі з Міланам, Венецыяй і Неапалем. Вялізныя сродкі, набытыя буйнымі і ўдалымі камерцыйнымі аперацыямі, Козіма ужываў на выгоду народа : за раздачу хлеба ў галодны год ён атрымаў назву «бацька айчыны»; Фларэнцыя абавязана яму шматлікімі будынкамі. Козіма першы з Медычы пачаў шырока спрыяць мастакам, асабліва вучоным і паэтам. Яго палац быў першым буйным гуманістычным цэнтрам ў Фларэнцыі.

Сандра Бацічэлі. Партрэт юнака (з партрэтам Козіма Медычы ў руках). Уфіцы, Фларэнцыя

У 1414 г. Козіма ажаніўся з Кантэсіне дэ Бардзі, ад якой меў двух дзяцей:

• П'ера дзі Козіма Медычы (1416—1469)
• Жан (1421—1463)

У яго такі быў пазашлюбны сын Карла (1430—1492).

Гл. таксама

• Медычы
• Жыраф Медычы
• Фларэнційская рэспубліка

Зноскі

1. Deutsche Nationalbibliothek Record #118732463 // Агульны нарматыўны кантроль — 2012—2016. Праверана 10 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
2. Union List of Artist Names — 2017. Праверана 22 мая 2021.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>