Конаўка

Конаўка (ад польск.: konew — збан, кубак^[1]; толькі метал^[2][3][4] або, радзей, дрэва^{[5][заўв 1]}), таксама Кубак^[6][3] (астатнія матэрыялы) — пасудзіна невялікага аб’ёму (каля 200 мл), якая мае форму паўсферы (з магчымымі варыяцыямі), да якой апцыянальна далучаная колцападобная «ручка» для трымання. Пасудзіна выкарыстоўваецца для непасрэднага піцця гарачых і халодных напояў. У некаторых культурах з кубкаў прынята таксама есці, у Японіі распаўсюджаны кубак бяз ручкі — піяла.

Конаўка

Кубак

Кубкі бываюць:

• булёнавыя. Выкарыстоўваюцца для падачы булёнаў, супаў-пюрэ і заправачных супаў з дробна нарэзанымі прадуктамі. Ёмістасць — 350—400 см³. Вырабляюць іх з дзвюма (з процілеглых бакоў) ці з адной ручкамі.
• гарбатныя. Выкарыстоўваюцца для падачы гарбаты, кава з малаком або вяршкамі, кавы па-варшаўску, какавы, шакаладу. Ёмістасць — 200—250 см³.
• кававыя. Выкарыстоўваюцца для падачы кавы чорнай (ёмістасць — 75-100 см³) і кавы па-ўсходняму (ёмістасць — 50-70 см³).

Заўвагі

1. У такім сэнсе слова ўжывалі, на прыклад У. Галубок і М. Гарэцкі, што можна пацвердзіць праз Беларускі N-корпус, але большасць словаўжыванняў паказвае на выраб з металу або падаецца без канкрэтыкі.