Конда

У паняцця ёсць і іншыя значэнні, гл. Конда (значэнні).

Ко́нда (руск.: Ко́нда^[1]) — рака ў Расіі, у Заходняй Сібіры, у Ханты-Мансійскай аўтаномнай акрузе — Югра, левы прыток ракі Іртыш.

Конда
руск. Конда
Характарыстыка
Даўжыня	1097 км
Басейн	72 800 км²
Расход вады	231 м³/с (з 164 км ад вусця)
Вадацёк
Выток	Кондынская нізіна
• Вышыня	130[крыніца?] м
• Каардынаты	61°26′44″ пн. ш. 64°29′48″ у. д.HGЯO
Вусце	рака Іртыш
• Месцазнаходжанне	каля сяла Цюлі
• Вышыня	20[крыніца?] м
• Каардынаты	60°42′23″ пн. ш. 69°40′13″ у. д.HGЯO
Размяшчэнне
Водная сістэма	Іртыш → Об → Карскае мора
Краіна	Расія
Рэгіён	Ханты-Мансійская аўтаномная акруга — Югра
Код у ДВР	14010600112115300015606
Басейн Іртыша
выток вусце
— выток, — вусце

Даўжыня ракі 1097 км, плошча вадазборнага басейна 72,8 тыс. км². Сярэдні расход вады — 310^[1] м³/с. Цячэ па Кондынскай нізіне ў шырокай плоскай даліне, рэчышча вельмі звілістае. Сілкаванне змяшанае, з перавагай снегавога. Працяглае разводдзе, расцягваецца да глыбокай восені, замярзае ў канцы кастрычніка — пачатку лістапада, ускрываецца ў канцы красавіка — сярэдзіне мая. Сплаўная, суднаходная на 744 км (685^[2] км) ад вусця.

Асноўныя прытокі: злева — Мулым'я, Вялікі Тап, Юконда, Кама; справа — Ейцья, Кума.

Зноскі

1. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 222. — 538 с. — 100 000 экз. (руск.)
2. Река КОНДА // Государственный водный реестр РФ (руск.)