Крысціна Шыянок

Крысціна Шыянок (нар. 7 чэрвеня 1986, Мінск) — беларуская грамадская і палітычная дзяячка, прадстаўніца беларускай дыяспары ў Чэхіі.

Крысціна Шыянок
Нараджэнне	7 чэрвеня 1986(1986-06-07)[1] (38 гадоў) Мінск, БССР, СССР
Член у	Офіс Святланы Ціханоўскай[2]
Адукацыя	ліцэй БДУ філалагічны факультэт БДУ
Дзейнасць	перакладніцтва[d][1], вусны пераклад[d][1], Нацыянальная меншасць[1], civic engagement[d][1] і lectorship[d][1]
Узнагароды

У Вікіпедыі ёсць артыкулы пра іншых людзей з прозвішчам Шыянок.

Біяграфія

Нарадзілася 7 чэрвеня 1986^[3] года ў Мінску, вырасла ў Маладзечне. Скончыла Ліцэй БДУ і філалагічны факультэт БДУ^[4].

У 2009 г. пераехала ў Чэхію, дзе скончыла магістратуры па міжкультурнай камунікацыі і выкладанні чэшскай мовы як замежнай^[4]. Працавала выкладчыцай і судовай перакладчыцай^[4].

Грамадская дзейнасць

Сузанавальніца нефармальнага аб’яднання Vieršnica / BLRČR і суполкі Toloka. Лектарка Школы грамадзянскай ініцыятывы Hnutí Duha^[3].

У 2020 годзе стала сурэалізатаркай медыцынска-гуманітарнай праграмы MEDEVAC чэшскага ўрада для пацярпелых беларусаў. З чэрвеня 2021 г. па верасень 2022 г. прадстаўляла беларускую меншасць у Камітэце па пытаннях нацыянальных меншасцей пры муніцыпалітэце г. Прагі^[5].

Удзельнічала ў праекце па прыцягненні ўдзельнікаў сілавых органаў рэжыму Лукашэнкі да крымінальнай адказнасці ў Чэхіі^[6].

З лістапада 2022 г. прадстаўніца Офіса Святланы Ціханоўскай ў Чэшскай Рэспубліцы^[5].

Узнагароды

25 сакавіка 2025 г. узнагароджаная медалём ордэна Пагоні Рады БНР^[7].

Бібліяграфія

• Bejček, Jan Matěj et al. Česko-ruský slovník pro interkulturní práci = Češsko-russkij slovar‘ terminov mežkul‘turnoj kommunikacii. [Autorský kolektiv: Jan Matěj Bejček, Kryscina Šyjanok et al.].Praha: InBáze, z.s., 2022