Кшыштаф Краўзэ

У Вікіпедыі ёсць артыкулы пра іншых людзей з прозвішчам Краўзэ.

Кшыштаф Краўзэ (польск.: Krzysztof Krauze; 22 красавіка 1953, Варшава — 24 снежня 2014, Варшава) — польскі кінарэжысёр, сцэнарыст, аператар, акцёр. Двухразовы лаўрэат «Залатых львоў» на нацыянальным Фестывалі польскага мастацкага кіно ў Гдыні за фільмы «Доўг^[pl]» (1999) і «Плошча Збавіцеля^[pl]» (2006).

Кшыштаф Краўзэ
польск.: Krzysztof Krauze
Дата нараджэння	2 красавіка 1953(1953-04-02)[1][2][…]
Месца нараджэння	Варшава, Варшаўскае ваяводства, Польская Народная Рэспубліка[3]
Дата смерці	24 снежня 2014(2014-12-24)[3][2][…] (61 год)
Месца смерці	Варшава, Мазавецкае ваяводства, Польшча
Грамадзянства	Польшча
Жонка	Ewa Sałacka[d] і Joanna Kos-Krauze[d]
Адукацыя	Кінашкола ў Лодзі[d]
Прафесія	кінарэжысёр, сцэнарыст, акцёр, аператар-пастаноўшчык
Член у	Польская кінаакадэмія[d] Асацыяцыя польскіх кінематаграфістаў[d]
Узнагароды	Пашпарт «Палітыкі»[d]
IMDb	ID 0470377
Медыяфайлы на Вікісховішчы

Біяграфія

Кшыштаф Краўзэ нарадзіўся ў 1953 годзе. Яго маці — актрыса Крысціна Каркоўска. Скончыў аператарскі факультэт кінашколы ў Лодзі^[en] ў 1976 годзе. У 1978—1983 гадах супрацоўнічаў са студыяй кароткаметражных фільмаў «Se-ma-for^[en]», пазней — з кінастудыяй імя Караля Іржыкоўскага^[en]. У пачатку 1980-х гадоў выехаў з краіны — спачатку ў Аўстрыю, пазней у Францыю, але досыць хутка вярнуўся на радзіму. У 1988 годзе зняў свой першы поўнаметражны фільм «Нью-Ёрк, чатыры раніцы», вытрыманы ў жанры чэшскай камедыі. Крытыкі палічылі фільм правальным, але журы кінафестывалю ў Гдыні прысудзіла Краўзэ прыз за найлепшы дэбют^[4].

Шмат хто глядзеў «Нью-Ёрк, чатыры раніцы», я атрымаў за яго ўзнагароду ў Гдыні. Але для мяне фільм быў катастрофай. Людзі, чыім меркаваннем я даражу, засталіся вельмі стрыманымі. <…> я веру, што ўсё ў жыцці адбываецца не выпадкова. Я пачаў разумець, што фільм атрымаўся такім, якім я гэтага хацеў. У ім быў дотык ісціны — а гэта адзіны шлях[5].

Магчымасці выпусціць наступную поўнаметражную карціну Краўзэ чакаў восем гадоў, здымаючы ў гэты час рэкламныя і дакументальныя фільмы. Поўнаметражная стужка «Вулічныя гульні» (1996) прынесла адразу некалькі нацыянальных кінаўзнагарод. У 1997 годзе па версіі польскага часопіса «Życie» Кшыштаф Краўзэ быў прызнаны «Чалавекам года». Верагодна, найбольшага творчага поспеху Краўзэ дамогся ў 1999 годзе, выпусціўшы трылер «Доўг».

У 2001 годзе Кшыштаф Краўзэ стаў сябрам Еўрапейскай кінаакадэміі, у 2007 годзе — сябрам Савета Асацыяцыі польскіх кінематаграфістаў. У 2008 годзе абраны старшынёй Польскага інстытута кінематаграфіі^[5].

Выбраная фільмаграфія

• 1999 — «Доўг^[pl]»
• 2006 — «Плошча Збавіцеля^[pl]»