Кіеўскі акадэмічны ўніверсітэт

Кіеўскі акадэмічны ўніверсітэт — навукова-даследчы ўніверсітэт двайнога падпарадкавання (НАН Украіны і Міністэрства асветы і навукі Украіны). Створаны распараджэннем Кабінет Міністраў Украіны ад 14 снежня 2016 г. № 962^[1] шляхам рэарганізацыі Фізіка-тэхнічнага адукацыйнага і навуковага цэнтру Нацыянальнай акадэміі навук Украіны (створаны ў 1997), раней вядомага як Кіеўскі філіял Маскоўскага фізіка-тэхнічнага інстытута (створаны ў 1978). КАУ — гэта ўкараненне ва Украіне на ўніверсітэцкім узроўні сістэмы дуальнай адукацыі для Нацыянальнай акадэміі навук. Асноўны прынцып адукацыйнай дзейнасці КАУ — «навучанне праз даследаванне». Асноўнымі структурнымі падраздзяленнямі КАУ з’яўляюцца кафедры пры базавых інстытутах Нацыянальнай акадэміі навук Украіны (навучальныя і навуковыя падраздзяленні) і навуковыя цэнтры.

Кіеўскі акадэмічны ўніверсітэт
Київський академічний університет
Арыгінальная назва	Київський академічний університет
Міжнародная назва	Kyiv Academic University
Заснаваны	2016
Тып	навукова-даследчы ўніверсітэт
Краіна	Украіна
Размяшчэнне	Кіеў
Юрыдычны адрас	Украіна, 03142 Кіеў, бульвар Акадэміка Вярнадскага, 36
Сайт	kau.org.ua

Кафедры

• біямедыцыны і нейранавук (базы — Інстытут фізіялогіі імя А. А. Багамольца, Інстытут малекулярнай біялогіі і генетыкі)
• малекулярнай біялогіі і біятэхналогіі (база — Інстытут малекулярнай біялогіі і генетыкі)
• матэматыкі (база — Інстытут матэматыкі)
• тэарэтычнай кібернетыкі і метадаў аптымальнага кіравання (база — Інстытут кібернетыкі імя В. М. Глушкова)
• фундаментальных праблем агульнай і прыкладной фізікі (база — Інстытут фізікі)
• тэарэтычнай і матэматычнай фізікі (база — Інстытут тэарэтычнай фізікі імя М. М. Багалюбава)
• прыкладной фізікі і нанаматэрыялаў (база — Інстытут металафізікі імя Г. В. Курдзюмава)
• прыкладной фізікі і матэрыялазнаўства (базы — Інстытут электразваркі імя Я. А. Патона, Інстытут праблем матэрыялазнаўства імя І. М. Францэвіча, Інстытут сцынтыляцыйных матэрыялаў)
• менеджменту інавацый