Кіеўскі фунікулёр

Кіеўскі фунікулёр (укр.: Київський фунікулер) — фунікулёрная сістэма з Падола ў Верхні горад у Кіеве (Украіна). Адзін з першых фунікулёраў у былой Расійскай імперыі, адкрыты пасля Крамлёўскага і Пахвалінскага элеватараў у Ніжнім Ноўгарадзе (1896) і Адэскага фунікулёра (1902).

Кіеўскі фунікулёр
Прывад	Канатны
Дата адкрыцця	з 1905 года
Хуткасць	2 м/с
Раёны	Шаўчэнкаўскі, Падольскі
Колькасць вагонаў	2

Станцыі

Верхняя станцыя Кіеўскага фунікулёра мае выхад на верхнюю тэрасу Уладзімірскай горкі. Ніжняя станцыя фунікулёра на цяперашнім месцы была адкрыта ў 1929 годзе пры яго падаўжэнні. Побач знаходзіцца станцыя метро Паштовая плошча і Рачны вакзал.

Характарыстыкі[1]

• Розніца вышынь паміж станцыямі: 75 м.
• Даўжыня трас: 222 м.
• Нахіл: 18-20°.
• Шырыня каляіны: 1200 мм.
• Рэйкі: Спецыяльныя РГ-41.
• Умяшчальнасць вагона: 100 чал.
• Месцаў для сядзення: 30.
• Тармазы:
  • Калодкавыя пнеўматычныя на вядучым шківе цягавай машыны.
  • Клінава-аўтаматычныя на кожным з вагонаў.
• Магутнасць цягавага рухавіка: 100 кВт.
• Напруга: 440В пастаяннага току.
• Сістэма кіравання: аўтаматычная, з пераходам на ручны рэжым пры заездзе на станцыю.
• Хуткасць: 2 м/с.
• Час руху: 2-3 хвіліны.
• Перавозка пасажыраў:
  • 4000 чал./гадзіну.
  • Да 3 млн у год.
• Вагоны і дыспетчарская абсталяваны радыёсувяззю.
• Час працы: з 7:00 да 22:00.
• Кошт праезду: 8,00 грн (з 2018).

Канструкцыя

На раз’ездзе крайнія рэйкі суцэльныя, унутраныя — разразныя. У аднаго вагона левыя колы з дзвюма рэбордамі, а правыя цыліндрычныя; гэты вагон заўсёды ездзіць па левым боку раз’езда. У другога рэборды на правых колах — ён ездзіць па правым боку. Левы ад дыспетчара (гэта значыць, адносна верхняй станцыі) вагон падпісаны літарай «Л», правы — «П».

Тросы пракладзены на ўзроўні рэек; для таго, каб яны ішлі па крывалінейным маршруце, ужываецца сістэма блокаў, устаноўленых паміж рэйкамі.

Цікавыя факты

Узімку, пры наяўнасці дастатковай колькасці снегу, кіеўскі фунікулёр выкарыстоўваецца гарналыжнікамі і сноўбардыстамі як танны гарналыжны пад’ёмнік для катання па тэрыторыі Уладзімірскай горкі паміж верхняй і ніжняй станцыямі фунікулёра^[2].

Фотаздымкі

• 
  Ніжняя станцыя
• 
  Верхняя станцыя
• 
  Вагон фунікулёра

Зноскі

1. Звесткі атрыманы з плаката на верхняй станцыі.
2. Київський Буковель 2 - Фунікулер на YouTube