Кіт (фільм, 2022)

У паняцця ёсць і іншыя значэнні, гл. Кіт (значэнні).

«Кіт» (англ.: The Whale) — мастацкі фільм 2022 года рэжысёра Дарэна Аранофскі. Галоўныя ролі выканалі Брэндан Фрэйзер, Сэдзі Сінк, Хонг Чау, Саманта Мортан, Тай Сімпкінс.

Кіт
англ.: The Whale
Жанры	драматычны фільм і psychological drama film[d]
Рэжысёр	Darren Aronofsky[d]
Прадзюсары	Джэрэмі Доўсан[d] Darren Aronofsky[d] Ari Handel[d]
На аснове	The Whale[d]
Сцэнарыст	Samuel D. Hunter[d]
У галоўных ролях	Брэндан Фрэйзер Hong Chau[d] Sadie Sink[d] Samantha Morton[d] Ty Simpkins[d]
Аператар	Мэцью Лібатык[d]
Кампазітар	Rob Simonsen[d]
Кінакампанія	Protozoa Pictures[d]
Працягласць	117 хв.[1][2]
Бюджэт	3 000 000 $
Зборы	17 233 000 $[3]
Краіна	ЗША
Мова	англійская
Год	4 верасня 2022, 11 верасня 2022[4], 9 снежня 2022[4] і 16 лютага 2023[5]
IMDb	ID 13833688
Афіцыйны сайт (англ.)
Медыяфайлы на Вікісховішчы

Прэм’ера фільма адбылася 4 верасня 2022 года на 79-м Венецыянскім кінафестывалі. Фільм выйшаў у абмежаваны пракат у ЗША 9 снежня 2022 года, а 21 снежня — у шырокі пракат. Па ўсім свеце фільм сабраў 57.6 мільёна долараў пры бюджэце ў 3 мільёны. Фільм выклікаў неадназначную рэакцыю: хаця крытыкі высока ацанілі ігру акцёраў, асабліва Фрэйзера і Чау, яны засталіся незадаволеныя тым, як у карціне паказана барацьба з атлусценнем.

За выкананне галоўнай ролі Фрэйзер атрымаў прэмію «Оскар», прэмію «Выбар крытыкаў» і прэмію Гільдыі кінаакцёраў ЗША як найлепшы акцёр. Фільм таксама быў узнагароджаны «Оскарам» за найлепшыя грым і прычоскі, а Чау была намінавана на «Оскар» за найлепшую жаночую ролю другога плана.

Сюжэт

Некалькі гадоў таму Чарлі страціў каханага чалавека і зараз лечыць душэўную рану стыхійным абжорствам. Ён хаваецца ад свету за дзвярыма і гардзінамі і чорным квадрацікам у Зуме, а сам больш падобны на кіта, чым на чалавека — з-за паўмятровага слою тлушчу, які пагражае яму хуткім інфарктам і смерцю. У працоўныя гадзіны ён вядзе анлайн-семінары па акадэмічным пісьме, а ў вольны час шоргае на хадунках з аднаго пакоя ў іншы і — калі прыхоплівае сэрца — перачытвае таямнічае эсэ пра «Мобі Дзіка». Аўтар сачынення прызнаецца, што цяжэй за ўсё яму даліся раздзелы-адступленні з апісаннямі кітоў, якія, маўляў, адцягваюць увагу чытача ад сумнага сюжэту. Раз-пораз да пустэльніка наведваюцца баявая медсястра Ліз, нялоўкі місіянер Томас і цынічная дачка Элі, якую Чарлі калісьці кінуў і з якой зараз адчайна спрабуе прымірыцца.

Акцёрскі склад

• Брэндан Фрэйзер — Чарлі
• Сэдзі Сінк — Элі, дачка Чарлі
• Хонг Чау — Ліз, сяброўка і медсястра Чарлі
• Саманта Мортан — Мэры, былая жонка Чарлі
• Тай Сімпкінс — Томас, місіянер