Лавіса Шведская

Лавіса Шведская (Луіза) (шведск.: Lovisa av Sverige; 31 кастрычніка 1851, Стакгольм — 20 сакавіка 1926, Капенгаген) — шведская прынцэса, каралева Даніі, жонка дацкага караля Фрыдэрыка VIII. Адзіная дачка шведскага караля Карла XV і Луізы Нідэрландскай. З дынастыі Бернадотаў.

Лавіса Шведская
шведск.: Lovisa av Sverige
кансорт Даніі[d] 29 студзеня 1906 — 14 мая 1912
Папярэднік	Луіза Гесэн-Касельская
Пераемнік	Александрына Мекленбург-Шверынская[d]
Нараджэнне	31 кастрычніка 1851(1851-10-31)[1][2][…] Стакгольмскі каралеўскі палац, Стакгольм, Швецыя[3]
Смерць	20 сакавіка 1926(1926-03-20)[1][2][…] (74 гады) Амаліенборг, Капенгаген, Данія
Месца пахавання	Роскільскі сабор
Род	Бернадоты
Бацька	Карл XV
Маці	Луіза Нідэрландская
Муж	Фрэдэрык VIII[4]
Дзеці	Крысціян X, Хокан VII, Луіза[d], Харальд Дацкі[d], Інгеборга Дацкая, Тыра Дацкая[d], Густаў Дацкі[d] і Дагмара Дацкая[d]
Веравызнанне	лютэранства
Аўтограф
Узнагароды
Медыяфайлы на Вікісховішчы

Біяграфія

28 ліпеня 1869 года ў Стакгольме Лавіса выйшла замуж за спадчыннага прынца Дацкага Фрэдэрыка VIII. У 1906 годзе, пасля ўзыходжання мужа, стала каралевай Даніі.

Паколькі трон у Швецыі і Нарвегіі жанчыны не ўспадкоўвалі, пасля смерці Карла XV каралём стаў яго брат Оскар II. Пасля скасавання уніі Швецыі і Нарвегіі Оскар II склаў з сябе паўнамоцтвы і на нарвежскі прастол 18 лістапада 1905 года быў абраны сын Лавісы Карл, які прыняў імя Хокан VII.

Лавіса памерла ў палацы Амаліенборг (Капенгаген) і была пахавана побач з мужам у саборы горада Роскіле.

Сям’я

Дзеці ад шлюбу з Фрэдэрыкам VIII:

• Крысціян (Christian, 1870—1947) — кароль Даніі Крысціян X.
• Карл (Carl, 1872—1957) — кароль Нарвегіі Хокан VII.
• Луіза (Louise, 1875—1906) — жонка прынца Шаумбург-Ліпэ Фрыдрыха з 1896 года.
• Харальд (Harald, 1876—1949) — муж прынцэсы Хелены Глюксбургскай з 1909 года.
• Інгеборга (Ingeborg, 1878—1958) — жонка прынца шведскага і нарвежскага Карла з 1897 года.
• Тыра (Thyra, 1880—1945).
• Густаў (Gustav, 1887—1944).
• Дагмара (Dagmar, 1890—1961).