Леанід Сцяпанавіч Шабека

У Вікіпедыі ёсць артыкулы пра іншых людзей з прозвішчам Шабека.

Леанід Сцяпанавіч Шабека (3 ліпеня 1941, в. Цясова, Салігорскі раён, Мінская вобласць — 16 сакавіка 2021) — беларускі спецыяліст у галіне апрацоўкі металаў ціскам, тэорыі і методыкі навучання матэматыцы, начартальнай геаметрыі. Доктар педагагічных навук (1996), кандыдат тэхнічных навук (1973), прафесар (1993).

Леанід Сцяпанавіч Шабека
Дата нараджэння	3 ліпеня 1941(1941-07-03)
Месца нараджэння	Цясова, Пагосцкі сельсавет, Старобінскі раён, Мінская вобласць, Беларуская ССР, СССР
Дата смерці	16 сакавіка 2021(2021-03-16) (79 гадоў)
Месца працы	Мінскі аўтамабільны завод БНТУ БДАТУ
Навуковая ступень	доктар педагагічных навук (1996) і кандыдат тэхнічных навук (1973)
Навуковае званне	прафесар (1993)
Альма-матар	БПІ (1966)

Біяграфія

Скончыў Беларускі політэхнічны інстытут (1966; аспірантура, 1972).

Працаваў на Мінскім аўтамабільным заводзе (1966—1969, інжынер-механік, інжынер-канструктар), у Беларускім нацыянальным тэхнічным універсітэце (з 1973, прафесар кафедры «Інжынерная графіка машынабудаўнічага профілю», у 1974—2001 — загадчык кафедры), Беларускім дзяржаўным аграрным тэхнічным універсітэце (з 2005, прафесар кафедры «Інжынерная графіка», у 2011—2013 — загадчык кафедры).

Навуковыя інтарэсы: апрацоўка металаў ціскам; формаўтварэнне ў тэхналагічных працэсах; дыдактыка тэхнічнай творчасці; геаметра-графічная падрыхтоўка інжынераў.

Бібліяграфія

• Геометрическое обеспечение целостной графической подготовки инженера (системно-конструктивный подход) : диссертация … доктора педагогических наук в форме научного доклада : 13.00.02 : защищена 29.12.1995 : утверждена 00.00.1996 / Шабека Леони д Степанович ― Минск, 1995.
• Исследование высокоскоростного прессования металлов и сплавов без предварительного нагрева : автореферат диссертации … кандидата технических наук : 05.16.05 / Шабека Леонид Степанович. ― Минск, 1973.

Зноскі