Леапальдзіна

«Леапальдзіна» (Германская акадэмія прыродазнаўцаў «Леапольдзіна», ням.: Deutsche Akademie der Naturforscher Leopoldina, ням.: Deutsche Akademie der Wissenschaften) — найстарэйшае нямецкае таварыства прыродазнаўцаў, якое стала нацыянальнай Акадэміяй навук. Заснавана ў 1652 годзе ўрачом Ё. Л. Баушам  (ням.) у Швайнфурце як Academia Naturae Curiosorum.^[1] Знаходзіцца пад патранатам Федэральнага прэзідэнта Германіі.^[2] Зарэгістравана як некамерцыйная арганізацыя і фінансуецца федэральным урадам Германіі і ўрадам Саксоніі-Ангальт, дзе размешчана.^[2] Уключаючы ў сябе больш за 1500 членаў з 30 краін свету, з’яўляецца найбуйнейшай акадэміяй у Германіі.^[2]

Леапальдзіна
Арыгінальная назва	ням.: Deutsche Akademie der Naturforscher Leopoldina
Дата заснавання	1 студзеня 1652
Кіраўнік	Gerald H. Haug[d]
Сайт	leopoldina.org (ням.)​ (англ.)
Медыяфайлы на Вікісховішчы

З 1878 года знаходзіцца ў горадзе Гале.^[2] Раней месцазнаходжанне акадэміі мянялася ў залежнасці ад месца жыхарства яе прэзідэнта.^[2]

У гонар акадэміі названы астэроід (893) Леапальдзіна, адкрыты ў 1918 годзе.

Узнагароды

Акадэмія ўручае шэраг узнагарод, сярод якіх:

• Медаль Катэніуса  (руск.) (упершыню прысуджана ў 1792 годзе)
• Прэмія Каруса  (ням.) (1896)
• Медаль Шлейдэна  (англ.) (1955)
• Медаль Грэгара Мендэля  (ням.) (1965, у гонар Грэгара Мендэля)
• Darwin Badge  (ням.) (прысуджана адзін раз у 1959 годзе — у гонар 100-годдзя выхаду кнігі «Паходжанне відаў»)
• Прэмія Леапольдзіны  (ням.) для маладых навукоўцаў
• Прэмія імя Георга Ушмана ў галіне гісторыі навукі  (ням.)
• Прэмія Леапольдзіны ў галіне даследаванняў (2001, спансуецца Commerzbank Foundation)
• медаль Заслуг (прысуджаецца Прэзідыумам акадэміі ў асаблівых выпадках)

Прэзідэнты

Адзін з будынкаў акадэміі

• 1652—1665 Іаган Лорэнц Бауш  (ням.) (Швайнфурт)
• 1666—1686 Іаган Міхаэль Фер  (ням.) (Швайнфурт)
• 1686—1693 Іаган Георг Фалькамер  (ням.) (Нюрнберг)
• 1693—1730 Лукас Шрок  (ням.) (Аўгсбург)
• 1730—1735 Іаган Якаб Баер  (ням.) (Альтдорф-бай-Нюрнберг)
• 1735—1769 Андрэас Эліяс Бюхнер (Эрфурт, Гале)
• 1770—1788 Фердынанд Якаб Баер  (ням.) (Нюрнберг)
• 1788—1791 Генрых Фрыдрых Дэліус  (ням.) (Эрланген)
• 1791—1810 Іаган Хрысціян Шрэбер (Эрланген)
• 1811—1818 Фрыдрых фон Вент  (ням.) (Эрланген)
• 1818—1858 Хрысціян Готфрыд Даніэль Нес фон Эзенбек (Эрланген, Бон, Брэслау)
• 1858—1862 Дытрых Георг фон Кізер (Ена)
• 1862—1869 Карл Густаў Карус (Дрэздэн)
• 1870—1878 Вільгельм Бен  (ням.) (Дрэздэн)
• 1878—1895 Карл Герман Кноблаух (Гале, з таго часу тут)
• 1895—1906 Карл фон Фрыч
• 1906—1921 Альберт Вангерын  (ням.)
• 1921—1924 Аўгуст Гуцмер  (ням.)
• 1924—1931 Іаганес Вальтэр
• 1932—1950 Эміль Абдэргальдэн
• 1952—1953 Ота Шлютэр
• 1954—1974 Курт Мотэс
• 1974—1990 Хайнц Бетгэ  (ням.)
• 1990—2003 Бено Парцір  (ням.)
• 2003—2010 Фолькер тэр Мойлен  (ням.)
• 2010—2020 Ёрг Хакер
• з 2020 — Геральд Хауг  (англ.)