Лезнявіцкі сельсавет

Лезняві́цкі сельсавет — былая адміністрацыйна-тэрытарыяльная адзінка ў складзе Дзятлаўскага раёна Гродзенскай вобласці. Цэнтр — вёска Лезнявічы.

Лезнявіцкі сельсавет
Краіна	Беларуская ССР
Уваходзіў у	Дзятлаўскі раён
Уключаў	12 населеных пунктаў
Адміністрацыйны цэнтр	Лезнявічы
Дата ўтварэння	21 красавіка 1977
Дата скасавання	20 мая 1991

Утвораны 21 красавіка 1977 года ў Дзятлаўскім раёне Гродзенскай вобласці БССР у складзе 12 населеных пунктаў, якія раней уваходзілі ў склад Таркачоўскага (7 населеных пунктаў: вёскі Барышына, Зарой, Кузьмічы, Лапушна, Лезнявічы, Уланаўшчына і Чудоўшчына) і Данілавіцкага (5 населеных пунктаў: вёскі Еленка, Карыца 2, Касцюкі, Навасады і Стараельня) сельсаветаў^[1]. 20 мая 1991 года скасаваны, тэрыторыя далучана да Данілавіцкага сельсавета.

На момант скасавання ў склад сельсавета ўваходзілі 12 населеных пунктаў.