Леле (палкаводзец)

Леле (Lehel, Lele, Lél; памёр у 955) — венгерскі палкаводзец князя Такшаня, да 955 года — меркаваны кіраўнік Нітранскага княства (на тэрыторыі сучаснай паўднёва-заходняй Славакіі).

Леле
Нараджэнне	X стагоддзе
Смерць	955[1] Рэгенсбург, Верхні Пфальц, Баварыя
Медыяфайлы на Вікісховішчы

У паняцця ёсць і іншыя значэнні, гл. Леле.

Леле забівае Атона Вялікага. Малюнак 1360 года

Паводле Сімона Кезскага, спачатку Леле жыў у раёне Галгаца (сучасны Глогавец). Насуперак сцвярджэнням некаторых гісторыкаў ён, напэўна, не належаў да дынастыі Арпадаў. У 955 годзе ў бітве на рацэ Лех Леле трапіў у палон і быў пакараны смерцю.

Горн Леле (музей горада Ясберэнь, Венгрыя)

Вядома паданне, што Леле належаў горн, які цяпер экспануецца ў музеі венгерскага горада Ясберэнь. Паводле падання, перад пакараннем смерцю, якое павінна было адбыцца на вачах германскага імператара Атона I, Леле прапанавалі ў апошні раз сыграць на гэтым горне. Сыграўшы, ён, быццам, кінуўся да імператара і паспеў разбіць яму горнам галаву. Аднак, на праўдзе Атон памёр толькі ў 973 годзе, праз 18 гадоў па смерці Леле.

Зноскі

1. Deutsche Nationalbibliothek Record #133568881 // Агульны нарматыўны кантроль — 2012—2016. Праверана 13 жніўня 2015.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>