Санкт-Пецярбургскі манетны двор

Санкт-Пецярбургскі манетны двор Дзяржзнака (руск.: Санкт-Петербу́ргский моне́тный двор Гозна́ка), у 1914—1924 — Петраградскі манетны двор, у 1924—1996 — Ленінградскі манетны двор — адзін з буйнейшых манетных двароў свету па чаканцы манет, у тым ліку памятных і юбілейных з каштоўных металаў, а таксама па вырабе ордэнаў, медалёў, знакаў адрознення і іншых вырабаў з каляровых металаў і іх сплаваў. Заснаваны Пятром I у 1724 годзе на тэрыторыі Петрапаўлаўскай крэпасці. Адно са старэйшых прамысловых прадпрыемстваў Санкт-Пецярбурга.

Санкт-Пецярбургскі манетны двор
Тып	манетны двор і арганізацыя
Заснаванне	1724[1]
Ранейшыя назвы	Петраградскі манетны двор Ленінградскі манетны двор
Заснавальнікі	Пётр I
Краіна	Расія[1]
Размяшчэнне	Санкт-Пецярбург
Адрас	Санкт-Пецярбург
Галіна	медальернае мастацтва
Прадукцыя	манета, ордэн[d] і медаль
Матчына кампанія	Дзяржзнак[2]
Сайт	spmd.goznak.ru (руск.)​ (англ.)

Гісторыя

Штамп Санкт-Пецярбургскага манетнага двара на манеце 1 рубель 2006 года.

Датай заснавання Санкт-Пецярбургскага манетнага двара прынята лічыць 12 снежня 1724 года^[3].

Чаканіў агульнадзяржаўныя залатыя, плацінавыя, сярэбраныя і медныя манеты ўсіх вартасцяў, частку манет 1833—1841 гадоў з падвойным (рускім і польскім) пазначэннем наміналу, а таксама замежныя манеты: нідэрландскія дукаты (1768—1869) і турэцкія піястры (1808—1809). Чаканіў шэраг пробных манетных серый як узораў для перыферыйных манетных двароў (Таўрычнага, Сузунскага, Тыфліскага), а таксама пробныя нікелевыя манеты 1911 года.

У 1921 годзе на манетным двары пачалі чаканіць савецкія манеты.