Леў III (Папа Рымскі)

У паняцця ёсць і іншыя значэнні, гл. Леў III.

Леў III (лац.: Leo PP. III; 750, Рым — 12 чэрвеня 816) — Папа Рымскі з 27 снежня 795 года па 12 чэрвеня 816 года.

Леў III
лац.: Leo PP. III
96-ы папа 31 снежня 795 — 12 чэрвеня 816
Папярэднік	Адрыян I, Папа Рымскі
Пераемнік	Стэфан IV
Дзейнасць	каталіцкі святар, пісьменнік, каталіцкі біскуп
Нараджэнне	750[1] Рым, Папская вобласць
Смерць	мерк. 12 чэрвеня 816[2][1] Рым, Папская вобласць
Пахаванне	Сабор Святога Пятра
Бацька	Азупій
Медыяфайлы на Вікісховішчы

Біяграфія

Кардынал-прэсвітар тытулярнай царквы Санта-Сусана. З дзяцінства выхоўваўся ў Латэране. Быў абраны Папам Рымскім 27 снежня 795 года, стаўшы пераемнікам Адрыяна I. З першых жа дзён пантыфікату ўзяў курс на саюз з Карлам Вялікім, якому рымляне, паводле прапановы папы, прысягнулі на вернасць. Гэта азначала, што франскі кароль стаў суверэнам Рыма, а папская канцылярыя стала датаваць свае дакументы гадамі ўступлення ва ўладу караля і папы.

У 799 годзе праціўнікі Льва, сваякі Папы Адрыяна I, паднялі супраць яго мяцеж, абвінавачваючы яго ў распусце і клятвапарушэнні, на яго быў здзейснены напад, яго зацягнулі ў царкву і збілі да крыві, спрабуючы адрэзаць язык і выкалаць вочы. З дапамогай герцага Спалета Леў збег да Карла, які аднавіў яго на папскім прастоле. У падзяку Леў вянчаў Карла імператарскай каронай 25 снежня 800 года.

Пасля смерці Карла Вялікага 28 студзеня 814 года, адбылася новая змова супраць Папы, які жорстка расправіўся са сваімі ворагамі ў Рыме. У 1673 годзе быў кананізаваны каталіцкай царквой, Папам Кліментам X.

Зноскі

1. BeWeB Праверана 13 лютага 2021.

   <a href='https://wikidata.org/wiki/Track:Q77541206'></a>
2. autori vari Enciclopedia dei Papi — 2000.

   <a href='https://wikidata.org/wiki/Track:Q2818964'></a><a href='https://wikidata.org/wiki/Track:Q3725036'></a>