Луіза Інгрэм Рэйнер

Луіза Інгрэм Рэйнер (англ.: Louise Ingram Rayner, 21 чэрвеня 1832 - 8 кастрычніка 1924) - брытанская мастачка-акварэлістка.

Луіза Інгрэм Рэйнер
англ.: Louise Ingram Rayner
Дата нараджэння	21 чэрвеня 1832(1832-06-21)[1]
Месца нараджэння	Матлак-Бат[d], Derbyshire Dales[d], Дэрбішыр[d], Дэрбішыр, Англія, Злучанае каралеўства Вялікабрытаніі і Ірландыі
Дата смерці	8 кастрычніка 1924(1924-10-08)[1] (92 гады)
Месца смерці	Сент-Леанардс-он-Сі[d], Гастынгс[d], Усходні Сусекс[d], Усходні Сусекс, Вялікабрытанія
Грамадзянства	Злучанае каралеўства Вялікабрытаніі і Ірландыі
Бацька	Самуэль Рэйнер
Род дзейнасці	мастачка
Жанр	Акварэль
Медыяфайлы на Вікісховішчы

Біяграфія

Луіза нарадзілася ў Матлак Бат (Matlock Bath) у Дэрбішыры^[2]. Яе бацькі, Самуэль Рэйнер (Samuel Rayner) і Эн Рэйнер (Ann Rayner) абодва былі вядомымі мастакамі, Самуэль быў дапушчаны да выставы ў Каралеўскай акадэміі мастацтваў, калі яму было 15 гадоў. Чатыры сястры Луізы - Эн («Nancy», Нэнсі), Маргарэт, Роза і Фрэнсіс - і яе брат Рычард таксама былі мастакамі. Сям'я жыла ў Матлок Баце і Дэрбі да пераезду ў Лондан ў 1842 годзе.

Луіза вучылася маляваць з 15 гадоў пад кіраўніцтвам бацькі і сяброў сям'і, сярод якіх быў Роберт Дэвідс. Першая яе выстаўленая ў 1852 годзе ў Каралеўскай акадэміі мастацтваў работа называлася The Interior of Haddon Chapel; яна была намаляваная алеем. З 1860-х, аднак, Луіза малюе акварэллю; яна выстаўлялася з акварэльнымі працамі ў Таварыстве лэдзі-мастачак (Society of Lady Artists), Каралеўскай акадэміі мастацтваў, Каралеўскім акварэльным грамадстве (Royal Watercolour Society) і Каралеўскім грамадстве брытанскіх мастакоў (Royal Society of British Artists).

Луіза жыла ў Чэстэры у валійскай марцы, але шмат падарожнічала летам у 1870-я і 1880-я гг., малюючы брытанскія сцэнкі. Яе малюнкі вельмі дэталёвыя, у іх глыбокая перспектыва; яны цяпер папулярныя пры стварэнні пазлаў. У 1910 годзе Луіза пераехала да сястры ў Танбрыдж Уэлс, далей - у Сэнт-Леанардс-он-Сі, дзе памерла ў 1924 годзе.

Работы Луізы захоўваюцца ў Борнмуце, Музеі і мастацкай галерэі Дэрбі^[3] і іншых музеях.

Зноскі

1. Louise Ingram Rayner // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q24255573'></a><a href='https://wikidata.org/wiki/Track:Q1547776'></a>
2. Simon Fenwick, ‘Rayner, Samuel (1806—1879)’, Oxford Dictionary of National Biography, Oxford University Press, 2004 accessed 14 Feb 2011
3. Rayner, Louise. Irongate (нявызн.). Picture the Past. Праверана 23 January 2011.