Лычакіў

Не блытаць з Лычакіўскі раён (Львоў).

Лычакіў^[1] (укр.: Лича́ків) — гістарычная мясцовасць Львова, якая стала асновай Лычакіўскага раёна. Абмежаваная паркам «Знэсіння», вуліцамі І. Франка і К. Лявіцкага, Лычакіўскімі могілкамі.

Лычакіў
Личаків
Краіна	Украіна
Горад	Львоў
Адміністрацыйны раён горада	Лычакіўскі раён
Першае згадванне	XV ст.
Ранейшы статус	сяло, маёнтак, прадмесце
Год уключэння ў межы горада	ХІХ ст.
Паштовыя індэксы	79005

Гісторыя

Першапачатковы Лычакіў — тыповае прыгараднае сяло, якое, не маючы афіцыйнага статусу прадмесця, спраўна выконвала яго функцыі. Першыя дамы былі закладзеныя тут у XV ст. Доўгі час парафіяльнаю тут была Царква Узвіжання святога Крыжа да яе разборкі ў 1786 г. па загадзе аўстрыйскага імператара Іосіфа ІІ.

У XVIII ст. тут быў створаны маёнтак Лютцэнгоф, вакол якога існавала сяло. Яго жыхары займаліся агародніцтвам, млынарствам (малолі збожжа на крупы і муку) і пекарствам (адсюль назвы вуліц Пякарскай, Мучной, Крупярскай), мужчыны былі рамізнікамі, а лычакавянкі наймаліся ў львоўскія дамы на хатнія работы. Пасля на ўскраіне Лычаківа пабудавалі Лычакіўскія могілкі, дзе хавалі заможных львавян.

У XIX ст. Лычакіў стаў львоўскім прадмесцем, што не перашкодзіла яго жыхарам называць далей сябе лычакавянамі. На Лычакіў улетку 1907 г. пусцілі электрычны трамвай. Але з-за таго, што жыхары прадмесця былі рамізнікамі, лычакіўскія жанчыны закідалі першы вагон і яго кіроўцу памідорамі і тухлымі яйкамі.

Сацыяльныя аб’екты

• Адміністрацыя Лычакіўскага раёна Львова
• інфекцыйная клінічная бальніца
• Абласная клінічная бальніца
• Абласная бальніца аднаўляльнага лячэння
• Абласны дыягнастычны цэнтр
• Раддом № 1
• Акруговы ваенны шпіталь
• Акруговы шпіталь пагранічных войскаў
• Абласны кардыялагічны дыспансер

Гістарычныя і культавыя аб’екты

• Лычакіўскія могілкі
• Манастыр Кангрэгацыі Сясцёр Найсвяцейшай Сям’і
• Касцёл св. Антонія РКЦ
• Царква Пятра і Паўла ПЦУ
• Царква св. Георгія УПЦ МП
• Царква св. Іаана Залатавуста (былы касцёл і манастыр францысканак) ПЦУ
• Царква Пакрова Прасвятой Багародзіцы (былы касцёл Маці Божай Вастрабрамскай) УГКЦ
• Малітоўны дом хрысціян веры евангельскай (былы францысканскі касцёл і манастыр)

Зноскі

1. Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»