Любоў Паўлаўна Собалева

У Вікіпедыі ёсць артыкулы пра іншых людзей з прозвішчам Собалева.

Любоў Паўлаўна Собалева (нар. 17 кастрычніка 1960, пас. Леніна, Бабруйскі раён, Магілёўская вобласць) — беларускі гісторык. Спецыяліст па гендэрнай гісторыі Беларусі XIV—XVIII стагоддзяў. Папулярызатар гістарычных ведаў на беларускім радыё і тэлебачанні^[1].

Любоў Паўлаўна Собалева
Дата нараджэння	17 кастрычніка 1960(1960-10-17) (64 гады)
Месца нараджэння	Леніна, Сычкаўскі сельсавет, Бабруйскі раён, Магілёўская вобласць, Беларуская ССР, СССР
Род дзейнасці	гісторык
Месца працы	Інстытут гісторыі НАНБ Першы Нацыянальны канал Беларускага радыё Мір[d] гістарычны факультэт БДУ
Альма-матар	гістарычны факультэт МДУ імя А. А. Куляшова[d] (1983)
Узнагароды	Ганаровая грамата Міністэрства інфармацыі Беларусі[d]

Біяграфія

Нарадзілася 17 кастрычніка 1960 года ў пасёлку Леніна Бабруйскага раёна^[1].

Скончыла ў 1983 годзе гістарычны факультэт МДПІ імя А. А. Куляшова^[1].

З 1991 года працуе ў Інстытуце гісторыі НАН Беларусі: малодшы навуковы супрацоўнік аддзела гісторыі Беларусі XIII—XVIII стагоддзяў; навуковы супрацоўнік аддзела гісторыі Беларусі Сярэдніх вякоў і пачатку Новага часу, аддзела гісторыі Беларусі IX—XVIII стагоддзяў^[1].

Адначасова выкладчык кафедры гісторыі Беларусі Старажытнага часу і Сярэдніх вякоў гістфака БДУ. З 2010 года намеснік старшыні прафсаюзнай арганізацыі работнікаў НАН Беларусі^[1].

У 2004 годзе аўтар і вядучая цыклаў праграм па гісторыі Беларусі («Наша Мінуўшчына», «Эўрыка») на Беларускім радыё. З 1997  года аўтар і вядучая штодзённай праграмы «Хвіліна з гісторыкам» (150 выпускаў штогод) Міждзяржаўнай тэлерадыёкампаніі «Мір»^[1].

Навуковая дзейнасць

Напрамкі даследаванняў: культура Беларусі XVI—XVIII стагоддзяў, гендарная гісторыя, інстытут сям’і Вялікага Княства Літоўскага у XIV—XVII стагоддзях^[1].

Узнагароды

Узнагароджаны Ганаровай граматай Міністэрства інфармацыі Рэспублікі Беларусь за папулярызацыю гістарычных ведаў у сродках масавай інфармацыі^[1].

Бібліяграфія

Удзел у калектыўных працах

• Каралева Соф’я і гарады, якія прадвызначылі яе лёс. Мінск, 2015; 2018.
• Гісторыя Беларусі: у 6 т. Т. 2: Беларусь у перыяд Вялікага Княства Літоўскага. Мінск, 2008; Т. 3: Беларусь у часы Рэчы Паспалітай (XVII—XVIII стст.). Мінск, 2004.