Людвішча

Людвішча — возера ў Полацкім раёне Віцебскай вобласці Беларусі ў басейне ракі Нача, за 24 км у напрамку на паўднёвы захад ад Полацка, за 0,5 км на паўночны захад ад вёскі Гуры.

Людвішча
Морфаметрыя
Вышыня над узроўнем мора	138,4[1] м
Даўжыня	0,85 км
Шырыня	0,57 км
Плошча	0,25 км²
Аб’ём	0,00022 км³
Даўжыня берагавой лініі	2,3 км
Найбольшая глыбіня	2[2] м
Басейн
Плошча вадазбору	2 км²
Размяшчэнне
Краіна	Беларусь
Рэгіён	Віцебская вобласць
Людвішча
Людвішча

Плошча паверхні возера 0,25 (0,32^[2]) км². Даўжыня 0,85 км, найбольшая шырыня 0,57 км. Даўжыня берагавой лініі 2,3 км. Плошча вадазбору 2 км². Найбольшая глыбіня 2^[2] м. Аб’ём вады ў возеры 0,22^[2] млн м³. Схілы катлавіны маюць вышыню да 7 м, паўночныя і заходнія невыразныя. Берагавая лінія слаба звілістая. Берагі нізкія, на захадзе возера забалочаныя і сплавінныя. Мелкаводдзе пясчанае^[2]. На большых глыбінях дно возера высланае сапрапелем^[2]. Значна зарастае падводнай расліннасцю^[2]. У паўночнай частцы возера злучаецца з сістэмай меліярацыйных каналаў і праз яе — з ракой Нача.

Зноскі

1. Ліст карты N-35-21. Выданне 1987 г. Стан мясцовасці на 1984 г. (руск.)
2. Валерий Иванов-Смоленский Все озёра Беларуси. Т. 4. (руск.)