Людміла Аляксандраўна Анікеева

Людміла Аляксандраўна Анікеева (нар. 31 студзеня 1955, Орша Віцебскай вобласці) — беларускі палітык.

Людміла Аляксандраўна Анікеева
Нараджэнне	31 студзеня 1955(1955-01-31) (70 гадоў) Орша, Віцебская вобласць, Беларуская ССР, СССР
Адукацыя	Віцебскі дзяржаўны ўніверсітэт імя П. М. Машэрава
Узнагароды	ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Анікеева.

Біяграфія

Скончыла Віцебскі дзяржаўны педагагічны інстытут, настаўнік біялогіі і хіміі. Працавала выкладчыкам біялогіі і хіміі, завучам Волкавіцкай школы Талачынскага раёна Віцебскай вобласці, інспектарам Талачынскага раённага аддзела народнай адукацыі, настаўнікам, дырэктарам сярэдняй школы № 2 горада Оршы Віцебскай вобласці. Займала пасаду начальніка аддзела адукацыі Аршанскага гарвыканкама Віцебскай вобласці.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь трэцяга склікання^[1].

Узнагароды

Узнагароджана Ганаровай граматай Нацыянальнага сходу Рэспублікі Беларусь, знакам «Выдатнік адукацыі»^[2].

Зноскі

1. АНИКЕЕВА ЛЮДМИЛА АЛЕКСАНДРОВНА Архівавана 29 жніўня 2019.
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.